6
May
2019

„GT მოტორსმა“ JAGUAR-ისა და Land Rover-ის მომხმარებლები მასშტაბურ ღონისძიებაზე შეკრიბა  

6 May 2019

კომპანიამ „GT motors“, რუსთავის ავტოდრომზე, 4-5 მაისს, Land Rover-ისა და Jaguar-ის მომხმარებლების თუ სხვა საპატიო სტუმრებისთვის მასშტაბური ტესტ – დრაივი, ავტო – შოუ და შეჯიბრი გამართა. ღონისძიების მიზანი ავტომობილების ტექნიკური მახასიათებლებისა და ახალი ტექნოლოგიური მიღწევების წარმოჩენა იყო, რომ ადგილზე მისულ სტუმრებს, თავად გამოეცადათ და ეგრძნოთ ავტომობილების სისწრაფე, გამძლეობა, გამავლობა, მოდელების განსაკუთრებული შესაძლებლობები და უნიკალურობა.

 

ორგანიზატორების თქმით, ღონისძიების სივრცე ორ ძირითად ნაწილს მოიცავდა: ტესტდრაივებისთვის განკუთვნილ ტრასას და შეჯიბრის ტერიტორიას. მათი ინფორმაციით, მსოფლიოს 16 ქვეყანაში, ანალოგიური კონკურსები ყოველწლიურად ტარდება, შემდეგ კი გამარჯვებულები სუპერ – ფინალზე რეგიონის ერთ-ერთ ქვეყანაში იკრიბებიან. შეჯიბრის ფორმატი ყველა ზემოაღნიშნულ ქვეყანაში ერთნაირია და მონაწილეებს კონკრეტული დავალებების შესრულება გარკვეული პირობებით უწევთ, სადაც საუკეთესო შედეგები უნდა აჩვენონ. თბილისში, აღნიშნულ კონკურსში 300-მდე მონაწილე ჩაერთო.

„ეს კონკურსი არის ერთგვარი პრესტიჟის ნაწილი. იმ პრესტიჟისა, რომელიც მრავალი წლის განმავლობაში Jaguar-ისა და Land Rover-ის მომხმარებლებს მუდმივად თან სდევთ. იყო ამ ბრენდების მომხმარებელი – ეს პრესტიჟთან ერთად, დიდი სიამოვნებაცაა. სწორედ ამ დადებითი მხარეების უფრო თვალსაჩინოდ წარმოსაჩენად ვმართავთ ამ ღონისძიებას. ყველას უნდა მიეცეს საშუალება, თავად გამოცადოს და იგრძნოს ის კომფორტი, რომელსაც  Jaguar-ისა და  Land Rover-ის ავტომობილები მომხმარებელს უქმნიან“- აცხადებს „GT Motors“-ის გენერალური დირექტორი თემურ უსტიაშვილი.

ასევე, ღონისძიებათა ციკლის ფარგლებში, სასტუმრო „სტამბაში“ გაიმართა  საპრეზენტაციო ნაწილი, სადაც სრულიად ახალი ავტომობილი, 2019 წლის „რეინჯ როვერ ევოუქი“ წარადგინეს.

„GT Motors“ საქართველოში 2008 წლიდან Land Rover-ის ბრენდს ოფიციალურად წარმოადგენს, Jaguar-ის ოფიციალური დისტრიბუტორი კი 2014 წლიდან გახდა.

„კომპანიამ 2017 წელს სპეციალურად აღნიშნული ორი ბრენდისთვის ცენტრი გახსნა, რომელიც აღჭურვილია თანამედროვე JLR სტანდარტებით. კომპანიამ ცენტრის შენობაში, საექსპოზიციო სივრცეების აღჭურვისა და ტექნიკური მახასიათებლებისთვის არქიტექტურული ჯილდოც კი მიიღო. „GT მოტორს”-ის საექსპოზიციო სივრცეები და სერვის ცენტრები საქართველოს სამ ყველაზე დიდ ქალაქში, თბილისში, ქუთაისსა და ბათუმში ფუნქციონირებს. კომპანიას ქვეყანაში 250-მდე ტენდერი აქვს მოგებული, ჰყავს 130-მდე დასაქმებული, 5000-ზე მეტი კლიენტი და მიღებული აქვს 10-მდე ჯილდო“.

Video Credit: Makho Kipshidze

[R]

განხილვა