„ჯი-თი მოტორსი“ BMW-ს პრეზიდენტის ჯილდოს გამარჯვებული გახდა. აღნიშნული ჯილდო BMW საქართველოს გუნდმა ოპერირების პირველივე წელს 44 ქვეყანას შორის მოიპოვა.
კომპანია საავტომობილო ბრენდს ოფიციალურად 2022 წლის 1-ელი სექტემბრიდან წარმოადგენს, ეს მიღწევა კი ბაზარზე მისი წარმატებული ოპერირების პირდაპირი შედეგია.
„ჯი-თი მოტორსის“ განცხადებით, აღნიშნული ჯილდო BMW საქართველოს გუნდის შრომისმოყვარეობის დასტურია, რაც ემსახურება მომხმარებლებისთვის საუკეთესო პროდუქტისა და სერვისის შეთავაზებას.
2023 წელს კომპანიამ BMW-სა და MINI-ს 440-ზე მეტი ავტომობილი გაყიდა და კიდევ უფრო მეტად გაამყარა კავშირები საკუთარ მომხმარებლებთან და პარტნიორ კომპანიებთან.
აღსანიშნავია, რომ „ჯი-თი მოტორსი“ აღმაშენებლის ხეივანზე გეგმავს ახალი შოურუმის აშენებას, რომელიც BMW-სა და MINI-ს უახლესი სტანდარტის მიხედვით იქნება დაპროექტებული და რეგიონში ერთ-ერთი ყველაზე მასშტაბური იქნება.
[R]
