სამხრეთ კორეელი კინოვარსკვლავი რაიან გოსლინგის „მოდურ კვალს“ მიჰყვება, რომელიც გასულ წელს Valigeria-ს კამპანიის მთავარ გმირად მოგვევლინა. ახლა კი ძვირადღირებულმა იტალიურმა მოდის ბრენდმა Gucci დახვეწილი და მდიდრული სარეკლამო კამპანიის შუაგულში ლი იუნგ-ჯეი მოაქცია.
მარტივი ერთწუთიანი სიუჟეტი ლონდონის Savoy Hotel-ში ვითარდება და ბრენდის მდიდარ მემკვიდრეობას ეხმიანება. გუჩიო გუჩის მიერ 1921 წელს დაფუძნებული მოდის სახლი თავიდანვე ფლორენციაში კი განვითარდა, მაგრამ ძლიერი კავშირები აქვს აღნიშნულ სასტუმროსთან — სწორედ აქ მიიღო გუჩიმ შთაგონება, რომ საკუთარი ატელიე გაეხსნა.
