9
Dec
2019

Gulf-ის საპენსიო პროგრამა მათთვის, ვისაც საზოგადოებისთვის განსაკუთრებული სარგებელი მოაქვს

9 Dec 2019

სულ ცოტა ხნის წინ Gulf-მა ახალი კამპანია წამოიწყო, რომლის ფარგლებშიც საზოგადოებისთვის განსაკუთრებული სარგებლის მომტანი ადამიანებისთვის სპეციალური საპენსიო პროგრამა შეიქმნა. ეს სწორედ ის ადამიანები არიან, რომლებიც თავიანთი ღვაწლით, განსაკუთრებულს ხდიან სხვების ცხოვრებას.

საპენსიო პროგრამის პირველი ბენეფიციარი მალვინა კაკაბაძეა. როგორც გალფის მარკეტინგის დირექტორი ნინჩო ჯიბლაძე ამბობს, კამპანიის შექმნის ინსპირაცია სწორედ ამ ადამიანის ისტორიის მოსმენის შემდეგ წამოვიდა. მალვინას ყოველდღიური საქმიანობა 12 ოჯახის მოკითხვა და მოვლა-პატრონობაა – თავისი პენსიით. საკვირველია, მიზერული პენსიით ეს ადამიანი როგორ ახერხებს, სხვების დახმარებას და, ამავდროულად, საკუთარი თავის შენახვას, თუმცა, ფაქტია, გამოსდის.

გაგვიჩნდა სურვილი, ისეთი ადამიანებისთვის, რომლებიც ამგვარი სარგებლის მომტანები არიან საზოგადოებისთვის, ხელი შეგვეწყო, რომ უკეთეს პირობებში იარსებონ. შესაბამისად, მალვინას და სხვა ბენეფიციარებს დავუნიშნეთ ყოველთვიური პენსია – 500 ლარი. ამავდროულად, გადავწყვიტეთ, ეს ადამიანები საზოგადოებისთვისაც გაგვეცნო. დავიწყეთ მათზე ვიდეოების გადაღება, რაშიც Movement-ი გვეხმარება.

გალფის წინასაახალწლო კამპანია #მოუარესაქართველოს

"მე ვარ მალვინა კაკაბაძე, მოხალისე, 80 წლის…" საზოგადოებისთვის განსაკუთრებული სარგებლის მოტანისთვის, მალვინა კაკაბაძე გალფის საპენსიო პროგრამის პირველი ბენეფიციარი გახდა. Movement-ის ვიდეო რგოლი, რომელიც არავის დატოვებს ემოციის გარეშე.#მოუარესაქართველოს

Gepostet von Gulf Georgia am Mittwoch, 4. Dezember 2019

 

შემდეგი ბენეფიციარი კი ლამარა აბჟანდაძეა, რომელიც 89 წლის ბლოგერია. მას საკმაოდ საინტერესო ისტორია აქვს..

#მოუარესაქართველოს

"მე ვარ ლამარა აბჟანდაძე, 89 წლის, ბლოგერი… ასაკს არა აქვს მნიშვნელობა, განვითარება თუ შეწყვიტე, იგულისხმე რომ დაბერდი უკვე და აღარავისთვის საჭირო აღარ ხარ… თავს თუ დაირწმუნებ, ყველაფერს მიაღწევ… მიყვარს ყვავილები, კომპიუტერი და განსაკუთრებით ახალგაზრდები…" საზოგადოებისთვის განსაკუთრებული სარგებლის მოტანისთვის, ლამარა აბჟანდაძე გალფის საპენსიო პროგრამის ბენეფიციარი 2019 წლის დეკემბრიდან გახდა. #მოუარესაქართველოს

Gepostet von Gulf Georgia am Sonntag, 8. Dezember 2019

 

დანარჩენი ბენეფიციარების ისტორიებს კი ეტაპობრივად შემოგთავაზებთ Gulf-ი.

განხილვა