სარეკლამო სააგენტოები და საზოგადოება არ თმობს თავის პოზიციას და იმედს იტოვებს, რომ ადამიანები იარაღს აღარ იყიდიან.
თემასთან დაკავშირებით საკუთარი პროექტი “Grey NY”-მ წარმოადგინა. მაღაზიაში ყველა იარაღს პატარა ფურცელი მიამაგრეს, რომელზეც ირაღის ისტორია ეწერა, არა იარაღის წარმოების და შემქნის ისტორია, არამედ ის ტრაგედიები, რომელიც მისი საშუალებით განხორციელდა – ომი, კრიმინალური გარჩევები, ძარცვა, მკვლელობა…
მაღაზიაში შესულ მყიდველს ირაღის ისტორიას უყვებოდნენ. მომხმარებელი ყიდვაზე უარს ამბობდა და მაღაზიას უიარაღოდ ტოვებდა. შეგვიძლია ეჭვქვეშ დავაყენოთ მსგავსი პროექტის ეფექტურობა, მაგრამ თემატიკის სირთულიდან გამომდინარე ყველა მცდელობა ყურადღებას იმსახურებს. მითუმეტეს მაშინ, როდესაც ამერიკელების 60% თვლის, რომ იარაღი მათი უსაფრთხოების გარანტია.
როგორც უკვე ვთქვით იარაღის თემა ერთ-ერთი აქტუალური პრობლემაა. ბოლო წლის განმავლობაში, იარაღის თემაზე ყველაზე დიდი რაოდენობის ვიდეო გადაიღეს. მათმა ნაწილმა Cannes Lions-ის ყურადღებაც დაიმსახურა.
