“ღVINO” Artana Wines-ის ღვინის ბრენდია, რომლის სიმბოლური სახელდებაც ქართულ ასო-ბგერასა და ღვინის ლათინური წარმოშობის სახელწოდებას აერთიანებს. ბრენდინგსა და დიზაინზე საკომუნიკაციო სააგენტო ABK-მ იმუშავა. უფროსი დიზაინერის, ირაკლი დოლიძის შექმნილი ლოგო Artana Wines–მა საქპატენტში ოფიციალურ სავაჭრო ნიშნადაც დაარეგისტრირა.
“იდეა იყო, რომ ღვინის ქართული სახელი მსოფლიოსთვის გაგვეცნო, რაც ჩვენი შეფუთვით ადვილი აღსაქმელია. ქართული ასო ღ და ლათინურად “ვინო”. ამის შემდეგ, უნესკომ საქართველო ღვინის სამშობლოდ გამოაცხადა და ჩვენი ღვინის სახელიც კიდევ უფრო გამართლებული აღმოჩნდა.
Artana Wines-ის “ღVINO” ექსპორტზე მსოფლიოს რამდენიმე ქვეყანაში გადის. მისი დაგემოვნება უკვე ამერიკაში და იაპონიაში არის შესაძლებელი,” – ამბობს ანასტასია ახვლედიანი, Artana Wines-ის დამფუძნებელი.
