in

რა არის და როგორ მუშაობს “Halo Effect“

ყველას ერთხელ მაინც გვსმენია, რომ პირველი შთაბეჭდილება არ მეორდება. მცდარი ინფორმაცია ადამიანის გონებაში ღრმად ილექება. იმდენად, რომ ჭეშმარიტი ინფორმაციის მიღების მიუხედავად, ტვინი მაინც არასწორ გადაწყვეტილებას იღებს.

მაგალითად, თქვენ იგებთ, რომ ადამიანმა ჩაიდინა მძიმე დანაშაული, რომლის გამოც სასამართლომ 5-წლიანი სასჯელი დააკისრა. სასჯელის 2-წლიანი ვადის ამოწურვის შემდეგ, აღმოჩნდა, რომ ის სინამდვილეში უდანაშაულოა.

მიუხედავად იმისა, რომ ადამიანი აბსოლუტურად უდანაშაულოა, თქვენ მის შესახებ გარკვეული უარყოფითი შთაბეჭდილება უკვე ჩამოგიყალიბდათ.

აქედან გამომდინარე, მცდარი ინფორმაციის მიღების პირველადი ეფექტი შესაძლოა, იმდენად ძლიერი იყოს, რომ აუდიტორიის ნაწილმა სიმართლე აღარ მოისმინოს, ან მოისმინოს და არ დაიჯეროს.

ტვინს ინფორმაციის ფილტრაციის ძალიან კარგი უნარი აქვს. ჩვენ აღარ ვფიქრობთ სიღრმისეულად ძალიან ბევრს და ვირჩევთ მარტივ გამოსავალს, რომელიც მოკლე დროში ძალიან სწრაფად მოვიფიქრეთ.

რა ქმნის პირველ შთაბეჭდილებას?

ამ კითხვაზე პასუხი მრავალგვარია. მაგალითად, როდესაც გვინდა, შევიძინოთ კონკრეტული სამოსი, პირველად შთაბეჭდილებას მაღაზიის ვიტრინაში განთავსებული მანეკენი გვიქმნის, რომელსაც ჩვენთვის სასურველი სამოსი აქვს მორგებული. ჩვენ ვხედავთ „ლუქს“, რომელიც მოგვწონს და ვფიქრობთ, რომ ეს სამოსი თავდაჯერებულობას შეგვმატებს.

შესაბამისად, ჩვენდა უნებურად უკვე მიკერძოებულები ვართ ამ ბრენდზე. წარმოიდგინეთ, რომ სამოსს, რომელიც მოგეწონათ, თქვენთვის მისაბაძი ადამიანი ატარებს. თქვენი ტვინი კონკრეტული მახასიათებლით უკვე გარკვეულ შთაბეჭდილებას გიქმნით ამ ადამიანის შესახებ: რა ლამაზია, ესე იგი გემოვნებიანია, უყვარს მოდა და სხვა.

რა არის “Halo Effect“?

“Halo Effect“ არის კონკრეტულ ნიშანზე ზოგადი განსჯის უსაფუძვლო გამოყენება, როდესაც ერთი დადებითი მახასიათებელი ან ზოგადი შთაბეჭდილება სხვა დადებით ან უარყოფით ასოციაციებს განსაზღვრავს.

ტერმინი “Halo Effect“ პირველად ამერიკელმა ფსიქოლოგმა ედვარდ თორდნაიკმა თავის ნაშრომში „ფსიქოლოგიური შეფასების მუდმივი შეცდომა“-ში ერთ-ერთი ექსპერიმენტის სახით განმარტა.

თორდნაიკმა ჩაატარა დაკვირვება სამხედრო ოფიცრებზე, რომლებსაც დაქვემდებარებული ჯარისკაცები სხვადასხვა წოდებების მიხედვით სხვადასხვა პოზიციებზე უნდა დაენიშნათ. ვიდრე ოფიცრები დაქვემდებარებულ ჯარისკაცებს გაესაუბრებოდნენ, ამერიკელმა ფსიქოლოგმა თორდნაიკმა ოფიცრებს სთხოვა გადაწყვეტილება ჯარისკაცების ხასიათის თვისებების მიხედვით მიეღო.

ექსპერიმენტის ბოლოს ამერიკელმა ფსიქოლოგმა აღმოაჩინა, რომ ოფიცრების მიერ ჩამოთვლილი დადებითი და უარყოფითი თვისებები არამიზნობრივ მახასიათებლებს ემყარებოდა, რომლებიც ჯარისკაცების ვიზუალში იყო გამოვლენილი. მაგალითად, ვიზუალურად ყველაზე მაღალი და კარგი აღნაგობის მქონე ქვეშევრდომი აღიქმებოდა როგორც ყველაზე ჭკვიანი და ინტელექტუალური.

ედვარდ თორდნაიკმა დაადგინა, რომ ჩვენი საერთო შთაბეჭდილების შესაქმნელად ყველაზე დიდ გავლენას ადამიანის, ბრენდის ან პროდუქტის ფიზიკური მაჩვენებელი განსაზღვრავს.

“Halo Effect“-ს სხვაგვარად “Halo Error“-საც უწოდებენ. ვინაიდან, იგი არის პიროვნების, კომპანიის ან ბრენდის პროდუქტის მიმართ კონკრეტული მახასიათებლით შექმნილი პოზიტიური განწყობა, რომელიც მის მიმართ ადამიანის სხვა პოზიტიურ თვისებებში ვლინდება.

როგორ მუშაობს “Halo Effect“ ინფლუენსერ მარკეტინგში?

შემეცნებით მიკერძოებას ანუ “Halo Effect“-ს მარკეტინგში დიდი გავლენა აქვს. მისი კლასიკური მაგალითია ის ცნობილი ბრენდები, რომლებიც რეკლამისთვის ლამაზ, მიმზიდველ ადამიანებს იყენებენ. მაგალითად, ყავის მწარმოებელი კომპანიის სარეკლამო პრინტზე გამოსახული სასიამოვნო გარეგნობის გოგო არაფერს გვეუბნება ყავის ხარისხის, შემადგენლობის ან სტრუქტურის შესახებ, თუმცა ის ჩვენში დადებით ემოციებს იწვევს.

“Halo Effect“-ის კლასიკური  მაგალითია კომპანია Apple. მაშინ, როდესაც iPod Apple-ის შემოსავლის ყველაზე დიდი წყარო იყო, კომპანიამ კონკრეტული პროდუქტის გავლენა სხვა პროდუქტების გაყიდვების გაზრდისთვის გამოიყენა.

შესაბამისად, როდესაც მომხმარებელს აქვს დადებითი გამოცდილება ბრენდის კონკრეტულ პროდუქტთან, ისინი ქმნიან კოგნიტურ პირობებს მთელი ბრენდის მიმართ. საბოლოო ჯამში, iPod-ის მომხმარებლებმა დაიწყეს Mac-ის და Apple-ის უფრო ძვირადღირებული პროდუქტების შეძენა.

მომხმარებლის დადებითი განწყობისა და ემოციების შესაქმნელად ბრენდები არჩევენ ცნობილ სახეებს, რომლებსაც თავის აუდიტორიაში ავტორიტეტი უკვე მოპოვებული აქვთ, გამომწერები მათ უსმენენ და ენდობიან. ასეთი ადამიანები ინფლუენსერები, ბრენდ ამბასადორები და Opinion ლიდერები არიან, რომლებიც ინფლუენსერ მარკეტინგის საშუალებით, სამიზნე აუდიტორიაში შემეცნებით მიკერძოებას ანუ “Halo Effect“-ს ქმნიან.

მარტივად, რომ ვთქვათ, ინფლუენსერი/ბრენდ ამბასადორი თავის აუდიტორიაზე იმდენად კარგ გავლენას ახდენს, რომ მომხმარებელს მთელი ბრენდის მიმართ დადებითი დამოკიდებულება უყალიბდება.

რაც მეტად კომპეტენტური და ავთენტურია ბრენდისთვის შერჩეული ინფლუენსერი, მით მეტია მისი პროდუქტის ან მომსახურების ცნობადობისა და გაყიდვების ზრდის მაჩვენებელი.

ასე, რომ, თუ გსურთ ინფლუენსერებმა თქვენი ბრენდის სამიზნე სეგმენტში შემეცნებითი მიკერძოება ანუ “Halo Effect“ შექმნან და თქვენი კომპანია მომხმარებელში დადებით ემოციებს აღძრავდეს, გადმოდი ქართული ინფლუენსერ მარკეტინგის პლატფორმა echolize.com-ზე.

 

[პარტნიორის კონტენტი]

„ვითიბის“ მობილბანკი Android-ის ჩარტების ლიდერია 

Doge-ის მიმმა რეკორდი დაამყარა – ის აუქციონზე, NFT-დ, 4 მილიონ დოლარად გაიყიდა