in ,

ჰოსტელი ორიგინალური დიზაინით – ქართველი წყვილის ოჯახური სტარტაპი

Startauperi
Startauperi
გიორგი და თათა1
თათა და გიორგი

გიორგი ბეჟანიშვილი და თათა კაკაშვილი ახალგაზრდა ცოლ-ქმარია. კავკასიის ბიზნეს სკოლის დამთავრების შემდეგ, ორივე კერძო კომპანიებში მუშაობდა. გამოცდილების დაგროვების შემდეგ, საკუთარი ბიზნესი წამოიწყეს და ჰოსტელი გააკეთეს. ბიზნესის წამოწყების იდეასა და კონცეფციაზე მარკეტერთან თათა კაკაშვილმა ისაუბრა.

M: საიდან გაჩნდა უცხოელებისთვის დღიურად გასაქირავებელი ბინების გაკეთების იდეა?

მე და ჩემმა მეუღლემ, დაახლოებით, 1 წელი ვამუშავეთ ჰოსტელი. ყოველდღიურად გვქონდა შეხება ბევრ სტუმართან, ბევრს ვსაუბრობდით მათთან. ხშირად გვქონდა შემთხვევა, განმეორებით უნდოდათ თბილისში ჩამოსვლა მეუღლესთან ან მეგობრებთან ერთად და სურდათ ბინის დაქირავება თბილისში. ყოველთვის ვეხმარებოდით ასეთ სიტუაციებში და ძიების პროცესში აღმოვაჩინეთ, რომ ნაკლებადაა გამორჩეული ინტერიერის მქონე ბინები, სადაც სიამოვნებით დაისვენებდნენ. გადავწყვიტეთ, მარტივი იდეა დაგვეხვეწა და გვექცია ახალ ბიზნესად: ჩვენი სტუმრებისთვის გამორჩეული, ფერადოვანი გარემო შეგვექმნა და ხელმისაწვდომ ფასად შეგვეთავაზებინა. ასე გაჩნდა Happy Home Apartments – Daily Rent Apartments in Tbilisi.

M: როგორ შეიქმნა Happy Home-ს ორიგინალური ინტერიერი?

პეპილოტ
პეპი

იდეის განსახორციელებლად ინტერიერის დიზაინერ პეპილოტს მივმართეთ. პეპი ძალიან ნიჭიერი, ოქროსხელება გოგოა, რომელსაც ჰოსტელისთვის ულამაზესი სანათები და საოცარი დეკორატიული ყუთები უკვე შექმნილი ჰქონდა. მან ძალიან ბევრი იდეა დაგვიხატა და მათ განსახორციელებლად სამივე ბოლომდე ჩავერთეთ სამუშაო პროცესში. კედლების მოხატვა იქნებოდა, სანათების, მაგიდების გაკეთება თუ დეკორატიული ყუთების დამზადება, ყველაფერს თავად გავართვით თავი. პეპილოტის იდეების განხორციელება ძალიან სასიამოვნო პროცესი იყო, მაგრამ მუშაობა კიდევ უფრო საინტერესო გახდა, როდესაც ჩვენშიც აღმოგვაჩენინა ახალი შესაძლებლობები. რეალურად, მცირე დროში შეზღუდული ბიუჯეტით, პეპილოტის უმაგრესი იდეების წყალობით, უბრალო ნივთების საშუალებითა და დიდი შრომის ფასად შევქმენით ულამაზესი დეკორაციები.

M: რამდენად დიდია ბაზარი, რამდენად ბევრი ტურისტი ეძებს ბინებს?
მოთხოვნა საკმაოდ მაღალია, თუმცა არც მიწოდებაა ნაკლები. ყოველწლიურად, უფრო და უფრო მეტი ხალხი გებულობს საქართველოს შესახებ. ჩვენი ქვეყანა მათთვის საინტერესო და საყვარელ დასასვენებელ ადგილად იქცა. პირადად ჩვენ გვყოლია სტუმრები, რომლებიც 1 წლის განმავლობაში 3-ჯერ გვესტუმრნენ. ძალიან გვიხარია ტურისტების აქტიურობა და ამანაც დიდი სტიმული მოგვცა, რომ გავფართოებულიყავით და დაგვემატებინა 2 სტუდიური ბინა (“Wake Up Aurora” და “Orange Juice”), რომელიც იქნებოდა გამორჩეული, პოზიტიური და დადებითი აურის მატარებელი.
wake up aurora 2 wake up aurora 3
happy home orange1 happy home orange2
გიორგი და თათა2

სოციალური კამპანია “იზრუნე გარემოზე გუდვილთან ერთად!“

ჩვენ ერთი ოჯახი ვართ – iPhone-ით გადაღებული სამყარო