რთულია, არ დაიძაბო, როცა მძიმე დისკუსიაში ხარ ჩაბმული კოლეგასთან, განსხვავებული აზრები პირად დამოკიდებულებად აღიქმება, იშლება ზღვარი პირად და სამსახურებრივ დამოკიდებულებას შორის. კამათი, თავის მხრივ, წარმოშობს შიშს, რომ მოგიწევთ თქვენი პოზიციის დათმობა, რომ აღმოჩნდებით მტყუანი ან შეხედულებების შეცვლა იქნება საჭირო – ყოველივე ეს ნეგატიურად აისახება ნერვულ სისტემაზე. ესაა ბუნებრივი რეაქცია ორგანიზმის მხრიდან, ის ვერ ანსხვავებს ერთმანეთისაგან სტრესის ნაირსახეობას და მსგავს ტრიგერზე ერთნაირად რეაგირებს – სტრესის დროს ორგანოებისთვის სისხლის მიწოდება მცირდება, ეს კი დისკომფორტს იწვევს.
საერთო ჯამში, ასეთი მდგომარეობა (სტრესული) ზემოქმედებს კორტექსზე (თავის ტვინის ნაწილი, რომელიც რაციონალურ აზროვნებაზეა პასუხისმგებელი) და შესაძლოა ხელი სერიოზულად შეგიშალოთ. რაციონალური გადაწყვეტილების უნარის გარეშე, გაგიჭირდებათ რთული მოლაპარაკების ან უბრალო საუბრის წარმართვა. ამას ერთვის გარეგნული ფაქტორებიც – წითლდებით, გიჩქარდებათ მეტყველება. უარესი – თქვენი შინაგანი მდგომარეობა გადაედება პარტნიორსაც.
გთავაზობთ რამდენიმე სავარჯიშოს, რომელთა გაცნობიერებული გამოყენება დაგეხმარებათ, გაიკვლიოთ გზა პროდუქტიული დისკუსიისკენ.
ისუნთქეთ! კონცენტრაციის მარტივი სავარჯიშოები საუკეთესო გამოსავალია სტრესულ სიტუაციებში. ამიტომ, როცა ამჩნევთ, რომ იძაბებბით, კონცენტრირდით საკუთარ სუნთქვაზე. ყურადღება მიაპყრეთ, როგორ ჩადის ჰაერი თქვენს ფილტვებში, შემდეგ კი ამოდის იქიდან. ეს გადაიტანს თქვენს ყურადღებას პანიკური სიმპტომებიდან საკუთარ თავზე. სპეციალისტები გვთავაზობენ, დავითვალოთ სუნთქვა.
ფოკუსირდი საკუთარ სხეულზე. ექსპერტები გვირჩევენ, მეტი ვიმოძრაოთ, რაც ააქტიურებს ტვინის მოაზროვნე უბანს. თუმცა, თუკი თქვენი კოლეგა ზის, შეიძლება უხერხული იყოს წამოდგომა. ამიტომ, გააფრთხილეთ წინასწარ, რომ “მუხლის გაშლა” გსურთ. შეგიძლიათ გადააჯვარედინოთ ორი თითი ან მყარად დადგეთ იატაკზე. ეს ყურადღებას გადაგიტანთ.
ეცადე იმეორო მანტრა. ესაა ფრაზა, რომელსაც იმეორებ დასამშვიდებლად: “ეს გაივლის”, “ეს მხოლოდ საქმეა” და ა.შ. ასეთ ფრაზებს გადაჰყავხარ ნეიტრალურ ფაზაში და გამშვიდებს.
გააცნობიერე, რას გრძნობ ამ მომენტში? როცა ემოციურად გრძნობ თავს, გონებას ფიქრებზე და ამ გრძნობებზე ყურადღება იპყრობს. გონებრივად მოშორდი ამ აზრებს, დააკვირდი, რას გრძნობ, რას განიცდი? შესაძლოა ეს ემოციები უსაფუძვლოა და დასკვნები, რომლებიც გონებაში გააკეთე, შესაბამისად, მცდარი. დაკვირვება და ემოციებისა და ფიქრებისთვის თავიანთი სახელების დარქმევა მნიშვნელოვნად დაგეხმარება.
შეისვენე. ნაცადი მეთოდია. რაც მეტ დროს უთმობ ემოციებს (როგორც ჩვენ ვამბობთ ხოლმე “აყვები ემოციებს”), მით ინტენსიურად შემოგიტევენ ისინი. ამიტომ, აიღეთ შესვენება – დალიეთ ყავა, წყალი, ითხოვეთ ერთი წუთი აბაზანაში გასასვლელად. არ დაგავიწყდეთ, მკაფიოდ ანიშნოთ, რატომ გინდათ საუბრის შეჩერება, არ აფიქრებინოთ თანამოსაუბრეს, რომ გაქცევა გინდათ.
დაიმახსოვრე, რომ შენ არ ხარ ერთადერთი ადამიანი, ვინც ბრაზობს. შესაძლოა, შენი თანამოსაუბრეც ამავეს გრძნობს. შეიძლება გინდა ურჩიო, რომ დამშვიდდეს, მაგრამ არაა გამორიცხული, ცუდად აღიქვას ასეთი შეთავაზება. ზოგჯერ, საჭიროა, რომ თანამოსაუბრეს ვაცალოთ ბოლომდე ამოთქვას მისი სიბრაზე და არ შევაწყვეტინოთ. ეს, რა თქმა უნდა, მხოლოდ სათქმელადაა ადვილი, თუმცა, ასევე ადვილია, ყვირილით უპასუხო ადამიანის აგრესიას, თუმცა ეს ნამდვილად არ მოიტანს კარგ შედეგს. ეცადეთ, წარმოიდგინოთ თავი მის ადგილას, თუმცა, არ აღიქვათ ემოციურად, ეს ემპათიაა. აგრძნობინეთ, რომ უსმენთ იმის მიუხედავად, ეთანხმებით თუ არა. კოლეგასთან კონფლიქტი და კამათი რთულია, მაგრამ ვიმედოვნებთ, ეს რჩევები გამოგადგება.
მომზადებულია HBR-ზე დაყრდნობით.
