გეიმერებთან მიმართებით არაერთი სტერეოტიპი არსებობს, რომელთაგან ერთ-ერთიც მათ „არასოციალურ ბუნებას“ მიემართება — თითქოს, იმდენად არიან თავიანთ სამყაროში ჩაკეტილნი, რომ ადამიანური ურთიერთობები ავიწყდებათ. ამგვარი არასწორი ინტერპრეტაციის წინააღმდეგ გამოდის Heineken რომელიც ახალი კამპანიის ფარგლებში, უალკოჰოლო ლუდთან ერთად, გეიმერებსაც უჭერს მხარს.
ბრენდს სჯერა, რომ დღევანდელ სამყაროში ონლაინ თამაშები სოციალიზაციის შესანიშნავი საშუალებაა. რეკლამის მიხედვით კი, სულაც არ არის საჭირო, მეგობრებთან შესახვედრად სადმე ფიზიკურ სივრცეში შევიკრიბოთ — „Not all nights out are out“. ამასთან ადაპტირება ხომ პანდემიის პერიოდმაც გამოიწვია…
