როგორც წესი, მოგზაურობისას ადამიანებს მხოლოდ ის ნივთები მიაქვთ, რომელთა გარეშეც ერთი დღეც კი ვერ გაძლებენ. Heinz-მა კი დაახლოებით იმის მსგავსი ნარატივი გამოიყენა უახლესი ვიდეორგოლისთვის, საქართველოდან რომ მიგვაქვს ხოლმე „ჩვენებური სუნელები“, „ჩვენებური სოუსები“… თუმცა ამ შემთხვევაში ბრენდის კონკრეტულ, ლობიოს კონსერვზეა მთელი აქცენტი.
ამ მხიარულ რეკლამაზე კრეატიულმა სააგენტო Wieden+Kennedy London-მა იმუშავა, რომელმაც სიუჟეტის მთავარ გმირად ემოციურად განადგურებული ტურისტი წარმოგვიდგინა. გასართობად მიდიოდა, ბედნიერი და ხალისიანი, თუმცა კონსერვებით სავსე ჩემოდანი დაეკარგა — მას გაჰყვა მამაკაცის დადებითი განწყობაც. აღარც სიმღერა უნდა, აღარც აუზზე ნებივრობა და საერთოდ არაფერი! ყველაფერმა აზრი დაკარგა!
