მართალია, სტატია კონიაკის შესახებ არის, მაგრამ ის „ყავასთან საკითხავი” რუბრიკის ისტორიაში უნდა მოგითხროთ. Hennessy-ს ყველა იცნობს და მისი ბოთლები დახლებზე ბევრჯერ შეგვხვედრია. ის კონიაკის მოყვარულებისთვის ერთ-ერთი საყვარელი სასმელია, მაგრამ, ამის გარდა, მის უკან დგას ამბავი, რომელიც არანაკლებ საინტერესოა. მისი სახელი იკითხება, როგორც „თანამედროვე”, თუმცა ბრენდს 250 წელზე დიდი ხნის ისტორია აქვს, ისტორია, რომელიც ირლანდიურ-ფრანგული ფესვებიდან მოდის.
რიჩარდ ჰენესი 1724 წელს დაიბადა, ირლანდიურ არისტოკრატულ ოჯახში. 1745 წელს იგი შეუერთდა მეფე ლუი XV-ის ირლანდიურ ბრიგადას და გაგზავნეს საფრანგეთში, სადაც მან აღმოაჩინა შარანტის რეგიონი, რომელიც მოგვიანებით კონიაკის წარმოების კერად იქცა. ჯარის დატოვების შემდეგ რიჩარდი ბელგიაში გადავიდა და დაიწყო სპირტით ვაჭრობა, რომელიც შემდგომში გამოიყენებოდა კონიაკის დასამზადებლად.
1765 წელს რიჩარდი დაბრუნდა შარენტის რეგიონში და დააარსა საკუთარი პატარა საწარმო. თავდაპირველად იგი სარდაფში ცხოვრობდა და დაიწყო eaux-de-vie სპირტის დაძველება, რომელსაც, არც მეტი-არც ნაკლები, ათ წელზე მეტი სჭირდებოდა. დაძველების მისეულმა ტექნიკამ საფუძველი ჩაუყარა კონიაკის წარმოების მომავალს და საწარმო, რომელსაც მან ჩაუყარა საფუძველი, რიჩარდის სიკვდილის შემდეგაც აგრძელებდა მუშაობას.
დღეს Hennessy Congnac ეკუთვნის ძვირფასი ბრენდების, Louis Vuitton Moët Hennessy-ს შემადგენლობაში შედის, მისი სათავო ოფისი მდებარეობს საფრანგეთში და ახორციელებს მსოფლიოში ყველაზე დიდ დისტილერიას. Hennessy-ს აქვს კონიაკის ფართო ასორტიმენტი, დაწყებული შედარებით ბიუჯეტური პროდუქტებიდან, როგორიცაა Hennessy V.S., დამთავრებული ულტრაპრემიუმამდე, მაგრამ ბრენდის ყველაზე ცნობილი კონიაკი არის Hennessy XO, რომელიც შეიქმნა 1870 წელს მორის ჰენესის, რიჩარდის შვილიშვილის მიერ.
მორისმა საწარმოს მაშინდელ ოსტატს ემილ ფილიუს სთხოვა, შეექმნა სპეციალური კონიაკი მისი ოჯახისა და მეგობრებისთვის. მას “XO” უწოდეს, რაც ზედმეტად ძველთან იყო დაკავშირებული.
Hennessy XO არის 100-ზე მეტი სპირტის ნაზავი, რომელიც მინიმუმ 10 წლის განმავლობაში ძველდება. რთულია მისი კომპლექსური არომატების გამოცნობა, რომელიც გამხმარი ხილის, მუხისა და სანელებლების ნოტებით არის შედგენილი. XO არის ფლაგმანი Hennessy-ისთვის. იგი იქცა ფუფუნებისა და დახვეწილობის სიმბოლოდ მთელ მსოფლიოში. გარდა ამისა, ის გახდა პირველი „სახლური” სასმელი, რომელმაც მიაღწია საერთაშორისო აღიარებას.
ბოლო წლებში Hennessy-მ განსაკუთრებული ყურადღება მიაქცია სპეციალურ გამოშვებებს, რომლებიც შეზღუდული რაოდენობით გამოდის და თემატურად არის მორგებული სხვადასხვა ჯგუფზე. ამისთვის ის თანამშრომლობს დიზაინერებთან და მხატვრებთან. ეს სპეციალური გამოცემები დაეხმარა, დარჩენილიყო მუდამ აქტუალურ ბრენდად და დემოგრაფიულად, ახალგაზრდა სეგმენტზეც ყოფილიყო გათვლილი. Hennessy-მ ასევე აიტაცა ციფრული მარკეტინგი და გამოიყენა პლატფორმები, როგორიცაა Instagram და YouTube, რითაც კიდევ უფრო მეტად დაუკავშირდა თავის მომხმარებელს.
როდესაც ამ კოლექციებსა და თანამშრომლობებს ვახსენებთ, აუცილებლად უნდა გამოვყოთ პარტნიორობა NBA-სთან, რომლის ფარგლებშიც, ბრენდმა არაერთი საინტერესო აქტივობა დაგეგმა. მათ შორის იყო მეოთხე სპეციალური გამოშვება Master Blender’s Selection N°4, რომელიც თანამედროვე ოსტატმა უახლესი ტექნოლოგიით შეიმუშავა.
რიჩარდ ჰენესი ნამდვილად იამაყებდა, რომ გაეგო, როგორ ახდა მისი ოცნება და როგორ გახდა დაძველების მისეული ტექნიკა მსოფლიოში პოპულარული, ასევე, ხარისხიანი პროდუქტის შექმნის სიმბოლო. რა თქმა უნდა, ბრენდის წარმატებაში დიდი როლი შეასრულა მარკეტინგულმა კამპანიებმაც და იმ ნაბიჯებმა, რომლებიც საზოგადოებისთვის მისი გაცნობისთვის იდგმებოდა. დღესდღეობით იშვიათად თუ იპოვით ადამიანს, რომელმაც არ იცის ეს სასმელი, მაშინაც კი, თუ საერთოდ არ არის კონიაკის მოყვარული.
რუბრიკის „ყავასთან საკითხავი“ წარმდგენია Dunkin’.
