12
Jan
2020

თბილისში სასტუმრო Hilton იხსნება

12 Jan 2020

თბილისში „ჰილტონის“ პირველი სასტუმრო იხსნება. როგორც კომპანიის წარმომადგენლები ამბობენ, ჭავჭავაძის გამზირზე (#64 ), ამერიკული სტანდარტების შესაბამისი, ბიზნესკლასის სასტუმრო Hilton Garden Inn, 2020 წლის პირველ კვარტალში გაიხსნება.

„ქალაქის ცენტრში წარმოდგენილი 170 ნომრიანი Hilton Garden Inn Tbilisi Chavchavadze კომფორტულ გარემოს სთავაზობს ნებისმიერი მიზნით ჩამოსულ სტუმრებს, იქნება ეს ბიზნეს შეხვედრები, თუ ტურისტული ვიზიტი. სასტუმროში განლაგებულია 8 საკონფერენციო დარბაზი, ულამაზესი ხედით და დღის შუქით და ქართული რესტორანი, რომელიც განსაკუთრებულ კერძებს შესთავაზებს სტუმრებს. გარდა ამისა, არის  სპეციალური კონცეფციური მაღაზია და სავარჯიშო დარბაზი 24/7“.

Hilton Garden Inn Tbilisi Chavchavadze კომპანია Redix-ის პროექტია. სასტუმროს ოპერირებას გაუწევს Hilton Worldwide, რომელიც მსოფლიოს 114 ქვეყანაში, სასტუმროებისა და კურორტების 17 ბრენდს მართავს. თავად Hilton Garden Inn კი, სტუმრებს, 800-ზე მეტ სასტუმროში, მსოფლიოს 40 ქვეყანაში მასპინძლობს.

განხილვა