პერსონალიზაცია ელექტრონული კომერციის სფეროში რაღაც ახალია, მაგრამ სტრატეგიებიების მომწიფებასთან ერთად ზოგი იმასაც ამბობს, რომ ჩვენ „ჰიპერ პერსონალიზაციის“ ახალ ეპოქაში შევდივართ. უკვე დიდი ხანია, რაც საცალო მოვაჭრეებს მომხმარებლებისთვის პერსონალიზებული გამოცდილების შექმნა შეუძლიათ. ბრენდები დღეს მიისწრაფვიან, რათა უკეთ დაუკავშირდნენ მომხმარებლებს.
თუმცა ჯერ კიდევ არსებობს გავრცელებული მცდარი წარმოდგენა, რომ პერსონალიზაცია უბრალოდ არის „მოგესალმებით, (სახელი)“... სინამდვილეში კი, ეს უფრო მეტად იმას ეხება, თუ რამდენად უგებთ მომხმარებლებს და მათ თანხმობას, რომ ბიზნესი მონაცემებს მათი გამოცდილების გასაუმჯობესებლად იყენებს.
Google-ის მიხედვით, საცალო ვაჭრობის წარმომადგენლები პერსონალიზაციაში 0.7%-იან ინვესტირებას აკეთებენ მაშინ, როცა ამ სფეროში საუკეთესოები პერსონალიზაციას 30%-ით მეტს უთმობენ. მომხმარებლები კი სწორედ პერსონალიზებულ გამოცდილებას ითხოვენ, რათა დეტალურად გაიგონ მათი საჭიროებების შესახებ და შემდგომში მათი დაკმაყოფილებაც შეძლონ.
ბრენდებს შეუძლიათ გამოიყენონ დროთა განმავლობაში შეგროვებული ბიზნეს მონაცემები, რათა არსებული მარკეტინგული სტრატეგიები შეცვალონ. მაგალითად, თუ მომხმარებელს ბოლო პერიოდში არაფერი უყიდია, მას ფასდაკლება უნდა შესთავაზონ. საუბარია არა მხოლოდ საწყისი გვერდის პერსონალიზაციაზე, არამედ საძიებო ფუნქციების, პროდუქტებისა და დეტალური მახასიათებლების გვერდებზე.
რა სარგებელი აქვს ჰიპერ პერსონალიზაციას ბრენდებისთვის?
McKinsey-ის მიხედვით, მომხმარებელთა 80% ყიდულობს ნივთს მაშინ, როცა მათ პერსონალიზირებულ გამოცდილებას სთავაზობენ. თუმცა გამყიდველები დარწმუნებულები უნდა იყვნენ, რომ მათ ამ დონის გამოცდილების გასაცემად მომხმარებლებისთვის შესაბამისი მონაცემები აქვთ.
აქ კრიტიკულად მნიშვნელოვანი საკითხია მომხმარებლებისგან თანხმობის მიღება მათი მონაცემების გამოყენებაზე. ხშირად ნაკლებად იაზრებენ, თუ რატომ სჭირდება ბიზნესს ეს. ამიტომ, ორგანიზაციებმა ეს მკაფიოდ უნდა განმარტონ.
უფრო შორს რომ წავიდეთ, ზოგიერთი ჰიპერ პერსონალიზაციის დანერგვას განიხილავს, როგორც ყველაზე მოწინავე გზას, რათა მარკეტინგი მონაცემებისგან მიღებული მიზნობრივი გამოცდილებით, ანალიტიკის, ხელოვნური ინტელექტისა (AI) და ავტომატიზაციის გამოყენებით ინდივიდუალურ მომხმარებლებს მოარგოთ.
ჰიპერ პერსონალიზაცია დაგეგმვისა და მონაცემების მოპოვების პროცესს მოიცავს, თუმცა მას შეუძლია მომხმარებელთა გამოცდილება დაბრკოლებების მოხსნით გაამარტივოს.
ნულოვანი მხარის მონაცემებთან გამკლავება
იმის გამო, რომ ჩვენ ნაკლები Cookies მქონე მომავლისკენ მივიწევთ, საცალო მოვაჭრეები აფასებენ მომხმარებელთა მონაცემების შეგროვების ვარიანტებს, რათა მომხმარებლებს მათზე მორგებული გამოცდილება შესთავაზონ, თანაც, მეტი ღირებულებითა და მოხერხებულობით. ამიტომ, ბევრი ბიზნესი ნულოვანი მხარის მონაცემებს მიმართავს. ეს სწორედ ის მონაცემებია, რომლებსაც მომხმარებლები პროაქტიულად და მიზანმიმართულად აზიარებენ.
თუმცა ამ მიდგომასაც თან ახლავს გამოწვევები. ბრენდები მოხმარებელთა გამოცდილების გასაუმჯობესებლად საუკეთესო მიდგომას ეძებენ, რაც რამდენიმე კითხვას აჩენს — როგორ იკვებება მომხმარებლის მონაცემები მარკეტინგული კომუნიკაციის არხებსა და ვებსაიტში? როგორ აქცევენ ბრენდები ამას უწყვეტ გამოცდილებად ერთი არხიდან მეორეზე?
არც ის არის საიდუმლო, რომ თუ საცალო მოვაჭრეები თანხმობას მოიპოვებენ, ისინი პერსონალიზაციის კუთხით ნამდვილად დიდ წარმატებას მიაღწევენ. მაგრამ აქ კიდევ ერთი მხარეა: ბრენდებს არ სურთ რესურსების დახარჯვა, რათა ქუქიების მართვის ძლიერი პლატფორმა უზრუნველყონ…
ბრენდებმა ნულოვანი მხარის მონაცემებითა და მომხმარებელთა პოზიტიური გამოცდილების შენარჩუნებით პერსონალიზაცია უნდა დააბალანსონ. მონაცემებზე ორიენტირებული მიდგომით მათ შეუძლიათ გაიგონ, თუ რას ეძებენ მომხმარებლები მოცემულ დროს. მსგავსი ინფორმაციით მნიშვნელოვანი ურთიერთობების შექმნა, ლოიალობის მოპოვება და პირველი მხარის მონაცემების დახმარებით პერსონალიზირებული გამოცდილების რელევანტურად მიწოდებაც კი შეუძლიათ.
