ჰოლოგრამული სამედიცინო ჯგუფი გასული წლის ბოლოს საერთაშორისო კოსმოსურ სადგურზე იმყოფებოდა. ეს კი მათ პირველ ადამიანებად აქცევს, რომელთაც საკუთარი თავის 3D გამოსახულება კოსმოსში, Microsoft-ის ტექნოლოგიისა და სტარტაპ AEXA Aerospace-ს დახმარებით მიიღეს.
„ეს ადამიანთა კომუნიკაციის სრულიად ახალი მეთოდია შორ მანძილზე. ჩვენი კვლევისთვის კი ახალი გზაა, რომლითაც ადამიანებს კოსმოსში გამგზავრება შეუძლიათ“, — ამბობს ჯოზეფ შმიდი, NASA-ს ექიმი.
მართალია, სამეცნიერო ფანტასტიკის მოყვარულები კარგად იცნობენ ჰოლოგრამული ექიმების კონცეფციას, რადგან მათთვის საყვარელ სერიალში, სახელწოდებით „ვარსკვლავური გზა: ვოიაჯერი“ მთავარი როლი სწორედ ჰოლოგრამის ექიმს აქვს… თუმცა რეალურ ცხოვრებაში ეს პირველი შემთხვევაა, როცა კოსმოსურ ხომალდზე მყოფ ადამიანებს ჰოლოგრამებთან ურთიერთობა შეუძლიათ. ამ შედეგის მისაღებად კი Nasa-მ მუშაობა ჯერ კიდევ 2016 წლიდან დაიწყო.
დედამიწიდან დოქტორ შმიდი და მისი გუნდი ევროპის კოსმოსური სააგენტოს (ESA) ასტრონავტს თომას პესკეტს ესაუბრა, სანამ ის საერთაშორისო კოსმოსურ სადგურზე იმყოფებოდა. ეს კი Microsoft-ის Hololens Kinect კამერისა და AEXA-ს პროგრამული უზრუნველყოფით აღჭურვილი კომპიუტერის გამოყენებით გახდა შესაძლებელი.
თუ გავითვალისწინებთ იმას, რომ AEXA გაფართოებული რეალობისა და ვირტუალური რეალობის პროგრამული უზრუნველყოფითაც არის დაინტერესებული, „ვარსკვლავური გზის“ ამბებიც, შესაძლოა, მალე რეალობად იქცეს.
