საახალწლო საყიდლებისთვის, ახალი პროდუქტის, „სუფჩას“ წარსადგენად, „კოსმომ“ და შემოქმედებითმა სააგენტო Holy Motors-მა, პროფესიონალი მოდელების ნაცვლად, სადღესასწაულო სამზადისის ნამდვილი გმირები მიიწვიეს. ვიდეორგოლების მონაწილეები სადღესასწაულო ფაცი-ფუცის შესახებ გვიყვებიან. Cosmo-ს პროდუქტების რეკლამირებისთვის ამ უჩვეულო გზას, Holy Motors-მა ჯერ კიდევ, წლის დასაწყისში მიმართა, როდესაც ქალთა დღისთვის, კამპანია იმ ინფლუენსერების მონაწილეობით შექმნა, რომლებსაც ხშირად ვხედავთ ბაზარში და სრულიად სხვა თვალით დაგვანახა ისინი. კამპანიამ კრეატიულ ფესტივალებზე დიდი მოწონება დაიმსახურა.
