28
Oct
2019

ქართული მოწყობილობით პროდუქტებს სახლიდან შეიძენთ – Homemarket

28 Oct 2019

Homemarket იმისთვის შეიქმნა, რომ მომხმარებლებს პროდუქტების ყიდვის პროცესი გაუმარტივოს.

პატენტით დაცული იდეა განხორციელებულია და შემდეგნაირად მუშაობს: მოწყობილობა თქვენს მაცივარზე მაგრდება, რაც საშუალებას გაძლევთ, სახლიდან გაუსვლელად, ყველაფერი იყიდოთ და შეძენილი პროდუქცია უკონტაქტოდ, 45 წუთის განმავლობაში მიიღოთ.

 

Homemarket-ის შეძენის შემდეგ, თქვენ აღარ დაგჭირდებათ სუპერმაკეტში მგზავრობა, მძიმე ჩანთების ტარება, დროის ხარჯვა საცობებში, რადგან უმარტივესად უკვეთავთ როგორც ყოველდღიურ საყიდლებს, ისე – მთელი კვირის მარაგს, სახლის მოვლის საშუალებებს, საკვებს, სასუსნავს შვილებისთვის თუ სუფრას უეცრად მოსული სტუმრებისთვის. ამჟამად, სერვისი ჩართულია მთაწმინდის, ვაკის, საბურთალოს რაიონების ტერიტორიულ ერთეულებზე, – ვკითხულობთ Homemarket-ის ვებგვერდზე.

მოწყობილობაში ინტეგრირებულია მხოლოდ Homemarket-ის აპლიკაცია, რომელიც ქართულ ენაზე მუშაობს. მაღაზიის პროდუქტების შეძენა შესაძლებელია საბანკო ბარათით, რომელიც დამახსოვრებულია აპლიკაციაში ან შიდა ლიმიტით, რომელიც შესაძლებელია, დარიცხოთ იმ შემთხვევისთვის, თუ აპლიკაციას ოჯახის სხვა წევრი გამოიყენებს.

Homemarket-ის აბონენტებს ემსახურება სპეციალური სკუტერები, რომელსაც შეუძლია 80 კგ-მდე და 100 ლიტრის მოცულობის ტვირთის სწრაფი ტრანსპორტირება. კურიერის აპლიკაცია, სადაც წინასწარ გენერირდება მომხმარებლის მონაცემები, დაზუსტებულია სახლის კარის ფოტოს დონეზე, ამიტომ კურიერი, დარეკვის გარეშე, 45 წუთის განმავლობაში მოგართმევთ შეძენილ პროდუქციას.

განხილვა