დღეს, ნებისმიერი ბიზნესისთვის, არ აქვს მნიშვნელობა, რომელ ინდუსტრიაზეა საუბარი, მაღალი ხარისხის ციფრული პროდუქტებისა და სერვისების შექმნა ძალიან მნიშვნელოვანია. მთელს მსოფლიოში და მათ შორის, ბუნებრივია, საქართველოში, დიჯიტალ მომსახურებაზე ძალიან დიდი მოთხოვნაა. კომპანიებიც ცდილობენ, მომხმარებლების მოთხოვნები, ამ მიმართულებით, მაქსიმალურად დააკმაყოფილონ. COVID-19-ის პანდემიამ კიდევ უფრო ნათლად წარმოაჩინა, რამდენად მნიშვნელოვანია გამართული და სრულყოფილი ციფრული პროდუქტები.
წარმოიდგინეთ, ვებგვერდის საშუალებით, ავტომობილის ნაწილის ყიდვა, ან საბანკო მომსახურების „ონლაინ“ მიღება გინდათ. ამ დროს კი გაუმართავი სისტემა საშუალებას არ გაძლევთ, სასურველი ნივთი კალათაში დაამატოთ, ან ფინანსური ოპერაციის განსახორციელებლად უბრალოდ ვებგვერდს ვერ ხსნით. იწყებთ რეკვას „ქოლ ცენტრში“, მათი დახმარებით, IT დეპარტამენტში ჯერ პრობლემის იდენტიფიცირებას, შემდეგ კი მის მოგვარებას ცდილობენ. ან ასეთი შემთხვევა ავიღოთ – შედიხართ პორტალზე და 5-10 წამი ელოდებით კონტენტის ჩატვირთვას. როგორც წესი, მაშინვე გამოდიხართ ამ ვებგვერდიდან. თქვენი, როგორც მომხმარებლის უკმაყოფილების გარდა, ნებისმიერი ასეთი გაუგებრობა, ბუნებრივია, კომპანიისთვის ფინანსურადაც საზიანოა. როგორ იქცევა ბიზნესი და რა არის გამოსავალი? როგორც წესი, ამ გამოწვევას, კომპანიები მონიტორინგის მაღალი ხარისხის სისტემით უმკლავდებიან. სწორედ მათი დახმარებით ახორციელებენ პრობლემის იდენტიფიცირებას და მოგვარებას. იგივე გამოწვევის წინაშე აღმოჩნდა „თეგეტა მოტორსიც“, როცა ციფრული პროდუქტებისა და სერვისების დახვეწა დაიწყეს – მათ დასჭირდათ აწყობილი მონიტორინგის სისტემა, რომელიც მისცემდა სრულ ხედვას და დიჯიტალ მომსახურების მაქსიმალურად დახვეწის საშუალებას, რაც, საბოლოო ჯამში, მათი მომხმარებლის „იუზერ იქსფერიენსს“, კმაყოფილებას გაზრდიდა. კომპანიას ამაში HT Solutions, მონიტორინგის სისტემა “Dynatrace“-ის დანერგვით დაეხმარა.
„თეგეტა მოტორსის“ ციფრული ტრანსფორმაციის დეპარტამენტის ხელმძღვანელი დავით შავგულიძე ამბობს, რომ სჭირდებოდათ ინსტრუმენტი, რომელიც ყველაფერს რეალურ დროში „დაამონიტორინგებდა“, გააკეთებდა ანალიზს, თუ რა პრობლემები შეიძლება, შეექმნათ მომხმარებლებს ან უკვე არსებული ხარვეზები გამოევლინა და მათი მოგვარების გზები შეეთავაზებინა.
„მონიტორინგის სისტემა ძალიან გვეხმარება და კიდევ უფრო მეტ სარგებელს ველით. გვინდა, მაქსიმალურად ავირიდოთ თავიდან ნებისმიერი ხარვეზი და თუ მაინც მოხდება, ძალიან მცირე დროში, მომხმარებლის ჩართულობის გარეშე, შევძლოთ მისი იდენტიფიცირება და მოგვარება“, – ამბობს დავით შავგულიძე.
მონიტორინგის რომელი სისტემაც არ უნდა აირჩიოთ, როგორც HT Solutions-ის ციფრული ტრანსფორმაციების დეპარტამენტის დირექტორი ხატია ძაძუა ამბობს, უნდა შეეძლოს მომხმარებლის ჩართულობის გარეშე, პრობლემის დროულად იდენტიფიცირება, რაც კომპანიის გუნდს მისცემს შესაძლებლობას დროულად აღმოფხვრას ის. მხოლოდ ასე მოახერხებს თითოეული ბიზნესი მომხმარებლისთვის დისკომფორტის თავიდან აცილებას, რაც მათი წარმატების პირდაპირპროპორციულია.
ხატია ძაძუა: მონიტორინგის გარეშე იმის გარკვევა, სად რა პრობლემა შეექმნა მომხარებელს, თითქმის შეუძლებელია. როდესაც კომპანიას ათიათასობით მომხმარებელი ჰყავს, თითოეულის მათგანის კმაყოფილების ან პირიქით, უკმაყოფილების შესახებ სრული ინფორმაციის ქონა შეუძლებელია. წარმოიდგინეთ, რომ თუნდაც ერთი მომხმარებლის მაუსის ერთი „კლიკის“ უკან 82 სრულიად სხვადასხვა ტექნოლოგია დგას. არაფერს ვამბობ გაცილებით უფრო კომპლექსურ ტრანზაქციაზე. ბიზნესმა რაც არ უნდა დიდი რესურსი ჩადოს, საკუთარი ძალებით მონიტორინგის განხორციელებაში, თუ ძალიან დახვეწილი სისტემა არ აქვს, რომელიც სიტუაციის დეტალურ ხედვას იძლევა, შეუძლებელია, სრულყოფილად განახორციელოს ეს პროცესი, თუ თავიდან ბოლომდე არ აკონტროლებს და მონიტორინგს არ უკეთებს სისტემას, უბრალოდ ვერ დახვეწს ციფრულ პროდუქტსა და სერვისებს, საჭირო დონეზე.
მონიტორინგის როგორი სისტემაა უკეთესი, რის საშუალებას უნდა აძლევდეს კომპანიას?
მონიტორინგის სისტემით, კომპანია უნდა ხედავდეს სრულ სურათს, ზუსტად რა ხდება მის ტექნოლოგიურ გარემოში, მაგალითად, ინფრასტრუქტურის მხარეს, ქსელის მხარეს, ბაზის მხარეს და პირველ რიგში, მომხმარებლის მხარეს. ანუ ყველა დეტალს უნდა უყურებდეს ერთიან ჭრილში, რომ ზუსტად იცოდეს ნებისმიერი პრობლემის შესახებ, რომელმაც პოტენციურად შესაძლოა, საფრთხე შეუქმნას მისი ციფრული პროდუქტების გამართულად მუშაობას. უნდა ხედავდეს, რა შეიძლება იყოს მომხმარებლის დისკომფორტის შექმნის მიზეზი. მონიტორინგის სისტემა კომპანიას უნდა უნდა აძლევდეს პრობლემის იდენტიფიცირებისა და მისი ძალიან სწრაფად აღმოფხვრის საშუალებას. ასევე აუცილებელია, მხოლოდ უკვე არსებული პრობლემის იდენტიფიცირებაში კი არ დაგვეხმაროს, არამედ პრევენციის საშუალებას გვაძლევდეს და მონაცემთა ანალიზის მეშვეობით, გვატყობინებდეს პოტენციური პრობლემის შესახებ. ეს IT გუნდს მისცემს საშუალებას, რომ მინიმუმამდე დაიყვანოს მომხმარებლებისთვის შექმნილი დისკომფორტი თუ პრობლემები.
„თეგეტა მოტორსს“ მონიტორინგის ავტომატიზაციის ხელსაწყოს, „დაინატრეისის“ საშუალებით დამატებით რა შესაძლებლობები გაუჩნდა, თავისი მომხმარებლების ე.წ. იუზერ იქსფერიენსის დასახვეწად?
დავით შავგულიძე: თავიდანვე გვინდოდა საქართველოს ბაზარზე აპრობირებული და გამოცდილი ინსტრუმენტი, რომელსაც კარგი „ფიდბექი“ ექნებოდა სხვადასხვა ორგანიზაციისგან. გავტესტეთ „დაინატრეისის“ საცდელი ვერსია და დავაკვირდით შედეგებს. დაახლოებით, 2 თვეა, რაც მისი საშუალებით ჩვენს ციფრულ პროდუქტებსა და სერვისებს ვუწევთ მონიტორინგს. ეს არის ჩვენი დამხმარე ინჟინერი, რომელიც მუდმივად მუშაობს, ყოველთვის იცის, რა მოხდა ერთი კვირის ერთი თვის წინ, გვაძლევს სრულ ინფორმაციას და გვიადვილებს ჩვენი სისტემების მართვას.
ხატია ძაძუა: „თეგეტას“ მაგალითზე რომ ვიმსჯელოთ, მას შემდეგ რაც კომპანიაში „დაინატრეისი“ დავნერგეთ, უკვე აქვთ საშუალება, დეტალურად და ძალიან სიღრმისეულად, რა თქმა უნდა, GDPR-ის ყველა მოთხოვნის დაცვით, აკონტროლონ და მონიტორინგი გაუკეთონ უკლებლივ ყველა მომხმარებლის ტრანზაქციას, თავიდან ბოლომდე. ეს კომპანიას აძლევს საშუალებას, მუდმივად დახვეწოს და მის მომხმარებლებს გაცილებით მაღალი ხარისხის პროდუქტები შესთავაზოს – ზოგადად, ნებისმიერი ციფრული პროდუქტის შემთხვევაში, არის ხოლმე მომენტი, როდესაც ფეიჯზე მომხმარებლები მარტივად ვერ ნახულობენ, როგორ დაამატონ სასურველი ნივთი კალათაში, ან უჭირთ რომელიმე კონკრეტული სექციის მოძებნა. ამიტომ „სქროლავენ“ და ხშირად დროს ხარჯავენ. ეს, ალბათ, თითოეულ ჩვენგანს გამოუცდია და საკმაოდ დიდი დისკომფორტია, ამიტომ, შესაძლოა საერთოდ აღარ გააგრძელო ამ პროდუქტთან ინტერაქცია. ან შესაძლოა, რომელიმე გვერდის ჩატვირთვას ბევრი დრო სჭირდება, ან სასურველი ნივთის კალათში დამატების ღილაკს ვერ აკლიკებს მომხმარებელი. „დაინატრეისი“ მსგავს ინციდენტებს თავად კრავს და მაგალითად, „თეგეტას“ გუნდს ეხმარება, რომ პრობლემების იდენტიფიცირება მაქსიმალურად სწრაფად მოახდინონ და მომხმარებლებს არათუ დისკომფორტი არ შეუქმნან, არამედ უფრო მარტივი და სასიამოვნო გახდეს მათი ციფრული არხების გავლით ყველანაირი კომუნიკაცია.
როგორც აღნიშნეთ, დღეს „თეგეტას“ აქვს საშუალება, ძალიან სწრაფად გააკეთოს პრობლემის იდენტიფიცირება ან პრევენცია, რაც ძალიან მნიშვნელოვანია, იმისთვის რომ მომხმარებლის დისკომფორტი მინიმუმამდე დავიდე. უფრო ზუსტად რომ გვითხრათ, როგორ აკეთებს ამას მონიტორინგის „დაინატრეისი“?
ამ სისტემის ერთ-ერთი უპირატესობა მისი კაუზატიური ანალიზის მიდგომა. როდესაც ორგანიზაციების შიგნით ორი ან მეტი პრობლემა პარალელურად არსებობს, ვფიქრობთ ხოლმე, რომ ერთი კავშირშია მეორესთან და ა.შ. ეს მოსაზრება, ხშირად მცდარია და IT გუნდი არასწორი მიმართულებებით ეძებს პრობლემის სათავეს. ამიტომ, მისი იდენტიფიცირებისა და აღმოფხვრისთვის დიდი დრო იხარჯება. „თეგეტაშიც“ მოხდა იგივე – ჰქონდათ ორი პრობლემა, პარალელურად, რომელიც მათთვის კრიტიკული იყო და ერთი შეხედვით, თითქოს, კავშირში უნდა ყოფილიყო. არა და მომხმარებლების ზარები არ წყდებოდა კომპანიის „ქოლ ცენტრში“. გამომდინარე იქიდან, რომ „დაინატრეისი“, კაუზატიური ანალიზით, ზუსტად გვიჩვენებს საიდან იწყება პრობლემა, როგორ ვითარდება, რას ეხება, დროის რა მონაკვეთში და ა.შ. ამიტომ, „თეგეტას“ IT გუნდმა მარტივად დაინახა, რომ ეს ორი პრობლემა საერთოდ არ იყო კავშირში და ძალიან ადვილად და სწრაფად გამოასწორა ისინი.
ასევე აღსანიშნავია, რომ „დაინატრეისის“ ხელოვნური ინტელექტი, სახელად „დეივისი“ მუდმივად სწავლობს „თეგეტას“ სრულ ტექნოლოგიურ გარემოს და ნებისმიერი პრობლემის წყაროს გაგებაში გვეხმარება, რომელიც შესაძლოა, იყოს უამრავ სხვადასხვა მხარეს (კოდში, ქსელში, მომხმარებლების მხარეს, მაგალითად, მის ტელეფონში და ა.შ) „დეივისი“ ამას ზუსტად ხვდება და კომპანიის გუნდს იდენტიფიცირებაში დრო არ ეხარჯება, რაც საშუალებას აძლევს მათ, მომხმარებლების დისკომფორტი მინიმუმამდე დაიყვანონ და საუკეთესო შემთხვევაში, სრულიად აღმოფხვრან.
Dynatrace-ს რა უპირატესობები აქვს მონიტორინგის სხვა სისტემებთან შედარებით?
„დაინატრეისი“ არ არის უბრალოდ APM (Applications Performance Monitoring) და გადაწყვეტილება, რომელსაც მხოლოდ აიტი დეპარტამენტი იყენებს; ეს არის პლატფორმა მთელი ტოპ და საშუალო რგოლის მენეჯმენტისთვის, სადაც ბიზნესისთვის ძალიან მნიშვნელოვან, კრიტიკულ ინფორმაციას იპოვის როგორც CEO და CMO, ისე დეველოპერებისა თუ ოპერაციების გუნდი. მნიშვნელოვანია ისიც, რომ „დაინატრეისის“ სისტემა 2 კვირაში ერთხელ ახლდება, ბუნებრივია, მომხმარებლის ფუნქციონალზე დაკვირვების შედეგად. ასე რომ მუდმივად ხდება მისი დახვეწა, გაუმჯობესება, თანამედროვე ტრენდების დანერგვა.
p.s. დღეს, როდესაც ბიზნესის უპირატესობას, მის კონკურენტებთან შედარებით, ინფორმაციულ ტექნოლოგიები განაპირობებს, ძალიან მნიშვნელოვანია მათი სიღრმისეული შესწავლა და მონიტორინგი. ასე კომპანიას ექნება ზუსტი ხედვა, როგორ გააუმჯობესოს თითოეული მომხმარებლის „იუზერ იქსფერიენსი“.
[R]
