Huawei–ს ახალი ვიდეორგოლი ნამდვილად ძალიან ტრაგიკულია. მანამ სანამ მაყურებელი რგოლის ბოლომდე მივა და “შავბნელ” იუმორს ჩაწვდება, შესაძლოა თვალზე ცრემლიც კი მოადგეს. ცრემლით თუ უცრემლოდ, რგოლის პრობლემა ნამდვილად აქტუალურია, დამჯდარმა სმარტფონმა შესაძლოა არაერთი სერიოზული პრობლემა მოგიტანოთ, განაწყენებულ შეყვარებულზე რომ აღარაფერი ვთქვათ.
მსგავსი გაუგებრობებისა და გატეხილი გულის თავიდან ასაცილებლად, ბრენდმა სპეციალური კაბელი შექმნა, რომლის საშუალებითაც ერთი სმარტფონიდან ენერგიის გადაცემა მეორეზეა შესაძლებელი. ასე რომ, ამის მერე Huawei–ს მომხმარებლებს დაუმთავრებელი წინადადების გამო შეყვარებულები ღამის კოშმარებად აღარ გადაექცევიან.
