ხელოვნური ინტელექტის განვითარების პარალელურად, რამაც ტექნოლოგიურ სფეროში საკმაოდ მკაფიო საზღვრების დაწესება გამოიწვია, ჰუმანოიდი რობოტებიც ინოვაციური გზას ადგანან. ამჯერად ტეხასის შტატში დაფუძნებული Apptronik, ინდუსტრიული რობოტების დეველოპერი, საკუთარ დროიდს წარმოგვიდგენს, სახელწოდებით Apollo. ეს უკანასკნელი საწყობებსა და საწარმოო ქარხნებში არსებული საქმეების შესასრულებლადაა განკუთვნილი.
საკმაოდ მეგობრული გარეგნობის რობოტი, ორი თვალითა და LED განათების პირით, მოდულარული დიზაინითაა დამზადებული. ამგვარი გადაწყვეტა კი იმის საშუალებას იძლევა, რომ მოწყობილობა სხვადასხვა ქარხანაში ინტეგრირდეს — სხვა სიტყვებით, საჭირო დავალებებს მოერგება. მისი ბატარეის მუშაობის ხანგრძლივობა კი ერთი დამუხტვით 4 საათს აღწევს.
რაც შეეხება ბრძანებების გაცემას, სავარაუდოდ, მფლობელები ამას კომპიუტერიდან, ტელეფონიდან და პლანშეტიდან მოახერხებენ. მთლიანობაში, პროგრამული კომპლექტი მომხმარებლებს სრული კონტროლის შესაძლებლობას მისცემს, რაც მრავალ ფუნქციას და ავტომატიზაციას მოიცავს.
ამასთანავე, მიუხედავად იმისა, რომ მისი თავდაპირველი განლაგება ფოკუსირებულია საწყობის გარემოზე, Apptronik-ს აქვს ამბიციური გეგმები, გააფართოოს Apollo-ს კომუნალური მომსახურება საცალო ვაჭრობაში, მშენებლობასა და ხანდაზმულთა მოვლაშიც კი.
