80 წლის Ikea-მ გადაწყვიტა, თავის ისტორიაში პირველად გლობალური სარეკლამო კამპანია წამოიწყოს, რადგან მისი მარკეტერები ფიქრობენ, რომ ასე ერთიან მიდგომამდე მივლენ, რომელიც საცალო მოვაჭრეებს საზღვრებს მიღმა არსებულ მომხმარებლებამდე დაკავშირებაში დაეხმარება…
„იკეა პირველად 1943 წელს გამოჩნდა და მხოლოდ შვედეთში ვიყავით წარმოდგენილები, ამის შემდეგ კი უზომოდ გავიზარდეთ მთელი მსოფლიოს მასშტაბით. ჩვენი ბრენდის ერთ-ერთი ღირებულება განახლება და გაუმჯობესებაა, ეს კი ამ წელს ყველაზე მეტად ესადაგება, როცა Ikea თავის 80 წლის იუბილეს აღნიშნავს, ჩვენ ვტესტავთ და ვცდით რაღაც ახალს…“, — აცხადებს ლიკა ლი, Ingka Group-ის მარკეტინგის მენეჯერი.
ამგვარად, პირველი რეკლამის შექმნა McCann-ის სააგენტოს დაავალეს და იგი Do Try This at Home-ის სახელით გაგვაცნეს. ასე 31-ივე ბაზარს ეხმიანებიან, რომლებშიც ოპერირებენ… აჩვენებენ, თუ როგორ შეუძლიათ მომხმარებლებს თავიანთი ჰობებისა თუ მისწრაფებების ერთგულება ოთხ კედელში. თუ ლის დავეყრდნობით, ეს ბრენდის დიდი ხნის დაპირებასაც ეხმიანება, რომ შექმნას უკეთესი ცხოვრება ყველა ადამიანისთვის — „ეს მოდის ჩვენი რწმენიდან, რომ სახლი უბრალო ადგილზე მეტია, ბედნიერების, ინსპირაციისა და კომფორტის წყაროა. სახლი არის ის სივრცე, სადაც შეგიძლია, საკუთარი თავი გამოხატო, გამოიკვლიო შენი მისწრაფებები და განიტვირთო შენთვის ძვირფას ადამიანებთან ერთად“.
ცოტა იკეას ისტორიის შესახებაც გავიხსენოთ, რომელიც 17 წლის ინგვარ კამპრადმა შექმნა. თავდაპირველად კალმებსა და წინდებს ყიდდა, 5 წლის შემდეგ, 1948 წლისთვის კი ავეჯიც დაამატა. გარდა იმისა, რომ უამრავ სახლში დაიდო ბინა, არაერთი კრეატიული კამპანიის ავტორიცაა, იქნება ეს Mother London-ის The Wonderful Everyday თუ David Madrid-ის Proudly Second Best.
თუმცა რადგან ახლა 80 წელს მიუახლოვდა, Ikea-მ გადაწყვიტა იქ წასულიყო, სადაც არასდროს ყოფილა და მოიწვია სააგენტოები ახალი გლობალური კამპანიის შესაქმნელად. ამიტომ, მოდით ახლა ბრიფს ჩავხედოთ, რომელიც Life at Home-ის მოხსენებას ეხმიანება, ანუ მოიცავს 250 000 ადამიანზე მეტის პასუხს 40 ქვეყნიდან, რათა დაადგინონ, სახლში უკეთესად ცხოვრების საჭიროებები. McCann-ისთვის კი ზოგიერთი სტატისტიკა სხვებზე უფრო მნიშვნელოვანი იყო. მაგალითისთვის ის, რომ ადამიანების 60% გლობალურად პოზიტიურად გრძნობს თავს ამჟამინდელი საცხოვრებლის მიმართ, 52%-ისთვის კი სახლი ყველაზე საყვარელი ადგილია. აქვეა 40%-იც, რომელსაც ფინანსური პრობლემებით დაღლილი ადამიანები შეადგენენ. სტესი და ცუდ ხასიათზე ყოფნის ტრენდიც გამოვლინდა, ამიტომ გადაწყვიტეს, ადამიანები მთელი მსოფლიოს მასშტაბით შთაეგონებინათ.
ამ ინსაითებით მივიდნენ გლობალურ სლოგანამდე Home Can Do It, შემდგომი ეტაპი კი პლატფორმის ჩაშვება იყო ისე, რომ იკეას ტონის შესაფერისიც ყოფილიყო. ამიტომ, შემოგვთავაზეს ის, რაც ჩვენთვის კარგად ნაცნობი ფრაზის Don’t try this at home-ის წინააღმდეგ მიდიოდა. ანიმაციებისა და Live ქმედებების ნაზავია, რომელიც მოხუცი გეიმერიდან დაწყებული, თინეიჯერ გოგომდე, ყველა ტიპის მომხმარებელს გვაჩვენებს, თითოეული თავის მისწრაფებას მიჰყვება Ikea-ს მიერ შექმნილი სახლის, ანუ მათი კომფორტის ზონიდან.
„ჩვენი ამბიციაა, რომ ამ კამპანიამ გააძლიეროს ადამიანები მსოფლიოს მასშტაბით, რათა დაინახონ თავიანთი სახლები განსხვავებულად, შეხედონ მას, როგორც ხელმისაწვდომი ბედნიერების წყაროს. აქედან 6 თვე კვლავ იქნება ჩვენი მოგზაურობის დასაწყისი, მაგრამ ვიმედოვნებთ, რომ ადრეულ მითითებს შევამჩნევთ იმისა, რომ ეს ძლიერი დასაწყისი იყო“, — აცხადებენ იკეაში.
