თუ ვიზუალურ შთაგონებას ეძებთ ან უბრალოდ გაინტერესებთ, რა სახის კომერციული ხელოვნება იპყრობს საერთაშორისო ყურადღებას, ამ სტატიაში მოცემულ ნამუშევრებს უნდა გადაავლოთ თვალი. აქ წლევანდელი World Illustration Awards-ის გამარჯვებულებს წარმოგიდგენთ, რომლებიც ილუსტრატორთა ასოციაციამ (AOI) გამოავლინა.
უკვე 45 წელია, აღნიშნული კონკურსი ყოველწლიურად ტარდება და კრეატიული სფეროს წარმომადგენლებს აერთიანებს, რათა ილუსტრაციების ხელოვნება შემოქმედებითად აღინიშნოს. „წლევანდელმა მონაწილეებმა კრეატიულობისა და შესაძლებლობების შესანიშნავი დონე გამოავლინეს. ისინი ინდივიდუალიზმით, მაღალი ტექნიკური ოსტატობითა და ემოციების აღძვრის უნარით გამოირჩევიან“, — აღნიშნავს AOI-ის აღმასრულებელი დირექტორი, რეიჩელ ჰილი.
