მას შემდეგ, რაც იოკო ონო და ჯონ ლენონი ვიეტნამის ომის გასაპროტესტებლად ამსტერდამში, სასტუმრო Hilton-ის ლუქსის ლოგინში მოთავსდნენ, 53 წელი გავიდა. Bed In for Peace – ასე ეწოდება ლეგენდარული ბენდის The Beatles-ის სოლისტისა და იოკოს საპროტესტო პერფორმანსს, რომელმაც მსოფლიოს უნივერსალური და მარადიული ღირებულების მანტრა მისცა – Imagine Peace (წარმოიდგინე მშვიდობა).
ათწლეულების შემდეგ, 2022 წელს, რუსეთის უკრაინაში შეჭრამ, კიდევ ერთხელ შექმნა რეალობა, სადაც მსოფლიოს ამ სიტყვების შეხსენება სჭირდება. მარტის თვეში, ყოველ საღამოს, 20:22 სთ-ზე, Imagine Peace დიდ ციფრულ ბილბორდებზე მსოფლიოს სხვადასხვა წერტილში, შავით თეთრზე გამოისახება.
კამპანია, რომელიც შექმნილია სოციალური ხელოვნებისა და კულტურის პლატფორმა CIRCA-სა და სამხატვრო გალერეა Serpentine-თან ერთად, შემდეგ ქალაქებს მოიცავს:
ტოკიო, იაპონია
ლონდონი, გაერთიანებული სამეფო
ბერლინი, გერმანია
ნიუ-ორკი, აშშ
ჰოლივუდი, აშშ
მილანი, იტალია
მელბურნი, ავსტრალია
სეული, სამხრეთ კორეა
