in

„ზემოქმედების ქვითრები“ — ტანსაცმლის ბრენდის კამპანია

მოსალოდნელია, რომ 2030 წლისთვის მოდის ინდუსტრია კიდევ 50%-ით გაიზრდება, მიუხედავად ეკოლოგიური საფრთხეებისა. ამის გათვალისწინებით, საზოგადოების დიდი ნაწილი აქტიურად საუბრობს ტანსაცმლის ჭარბი მოხმარების პრობლემის შესახებ. მათ შორისაა სტოკჰოლმში დაფუძნებული ბრენდი Asket, რომელიც სეზონური კოლექციების „მალფუჭებადობის“ წინააღმდეგ იბრძვის — ქმნის ისეთ ტანსაცმელს, რომელიც წლებს უძლებს.

ახალი კამპანიის ფარგლებში კი, მომხმარებელთა ინფორმირებულობის გაზრდა დაისახეს მიზნად. ყოველ შენაძენზე ბრენდი ორ ქვითარს გასცემს — რეგულარული ტრანზაქციის და „ზემოქმედების“. ეს უკანასკნელი გარემოზე გავლენის შესახებ შეიცავს ცნობებს, დეტალურადაა აღწერილი CO2-ის გამონაბოლქვის ეფექტები, წყლისა და ენერგიის მოხმარებასთან დაკავშირებული მაჩვენებლები, რაც თითოეული ტანსაცმლის შესაქმნელადაა საჭირო. ასევე, განხილულია შეფუთვისა და ტრანსპორტირების ზემოქმედება.

„ჩვენი მიზანია, წავახალისოთ არა მხოლოდ საკუთარი ბრენდი, არამედ ჩვენი მომხმარებლები და მთლიანად ინდუსტრია. ყველამ უნდა ვიფიქროთ გარემოსდაცვით „ვალზე“, რომელსაც თავად ვქმნით… ზემოქმედების ქვითრით ინფორმირებულობის დონესაც ვზრდით და ადამიანებს ვეხმარებით, გააზრებული არჩევანი გააკეთონ“, — განმარტავენ Asket-ის წარმომადგენლები.

YouTube-ს კომენტარების AI შემაჯამებელი ემატება

რა უნდა ღვინოს ყავის ფესტივალზე? — 19 Crimes