პირდაპირ გეტყვით, Instagram-ის პირად შეტყობინებებში ფოტოების რედაქტირება, სტიკერების შექმნა და თემატიკების არჩევა რომ შევძლოთ, პლატფორმა ახალ ფუნქციებს ამატებს. სურთ, ინსტაგრამი მეტად მიმზიდველ შეტყობინებების აპლიკაციად აქციონ. მართალია, ჩამოთვლილი ფუნქციებიდან არცერთი წარმოადგენს სიახლეს, მაგრამ ეს კონკურენტებისთვის გადადგმული ნაბიჯია, რაშიც Threads, X და სხვა სოციალური აპლიკაციები მოიაზრება.
ახალი ფუნქციებით ინსტაგრამის მომხმარებლები პირდაპირ პირად შეტყობინებებში შეძლებენ სტიკერის შექმნას — ამისთვის უბრალოდ ფოტო უნდა აირჩიოთ ალბომიდან, ამოჭრათ სასურველი ობიექტი და შემდგომ ჩვეულებრივ შექმნათ სტიკერი. საშუალება გექნებათ, ეს სტიკერები ფოტოებზეც დაამატოთ ან თავად სურათებზე დახატოთ მანამ, სანამ მას მეგობარს გაუგზავნით. აღნიშნული ხელსაწყოები აქამდე Stories-ში იყო დამატებული, თუმცა ახლა მომხმარებლებს საქმეს უმარტივებენ და პირდაპირ პირადი შეტყობინებებიდან აძლევენ სტიკერების გაგზავნისა თუ ფოტოებზე დახატვის საშუალებას.
კიდევ ერთი ახალი ფუნქცია მეგობრებისთვის დაბადების დღის მილოცვაა ტორტის ეფექტით ან სადღესასწაულო ფეიერვერკის ანიმაციით. ამ უკანასკნელში კი ბოლო დროს Facebook უკონკურენტო იყო… თუმცა ახლა სურთ, მსგავსად ინსტაგრამიც მეტად მიმზიდველ აპლიკაციად აქციონ, რომელშიც მომხმარებლები დიდ დროს გაატარებენ.
ამასთან, სხვა შეტყობინებების აპლიკაციების მსგავსად, Instagram ახალ თემატიკებს გვაცნობს ჩატისთვის, მათ შორისაა Fall და Sabrina Carpenter.
მომხმარებელთა ჩართულობის გასაზრდელად გასულ კვირას Story-ებზე კომენტარების დაწერის ფუნქციაც დაამატა და როგორ ფიქრობთ, მოახერხებს ასე ინსტაგრამი დასახული მიზნის მიღწევას?
