თუ თქვენი ტელეფონის ბატარეასაც ყველაზე მეტად ინსტაგრამი მოიხმარს, შეგიძლიათ უკვე აღარ იდარდოთ… ეს პრობლემა განსაკუთრებით ნაცნობი გახდა Android-ის, უფრო ზუსტად, Pixel-ის მომხმარებლებისთვის. ამ ამბის საპასუხოდ კი მეტამ განახლება გამოუშვა, რაც იმას ნიშნავს, რომ ინსტაგრამი თქვენი ტელეფონის ბატარეის ჭარბად ხარჯვას თავს დაანებებს — შეცდომის გამოსასწორებლად Instagram-მა ვერსია 382.0.0.49.84 შემოგვთავაზა.
აღსანიშნავია, რომ მსგავსი ტენდენცია მომხმარებლებმა პირველად მაისის შუა რიცხვებში, Pixel-ის პროგრამული უზრუნველყოფის განახლების შემდეგ, შეამჩნიეს. აღნიშნულ საკითხზე Samsung-ისა და OnePlus-ის მომხმარებლებიც საუბრობდნენ… ამიტომ, Google-მაც საჯაროდ აღიარა პრობლემა და დაადასტურა კიდეც, რომ საქმე ინსტაგრამის აპლიკაციაში იყო და არა, ანდროიდის სისტემაში.
ხარვეზის გამომწვევ მიზეზზე არაფერს ამბობენ და მომხმარებლებს პირდაპირ ინსტაგრამის განახლებაზე მოუწოდებენ…
