ამასობაში International Pet Photography Awards 2025-ის გამარჯვებული ფოტოებიც ცნობილი გახდა. 45 ქვეყნის 4000 ფოტოდან International Pet Photographer of the Year-ის წოდება სენტ-ლუისში მოღვაწე ფოტოგრაფმა ქეით ბროკმენმა მოიპოვა — „ამ ორ ფოტოზე ჩემი ძაღლი კოლდუელია გამოსახული, რომელიც ჩემი საუკეთესო მოდელია მას შემდეგ, რაც ფოტოგრაფობა დავიწყე. ყველა სხვა ცხოველი, მინდობით აღზრდაში მყავდა, ამ ფოტოების წარდგენით კი ჩემი მიზანი იმის ჩვენებაც იყო, რომ გადარჩენილ ცხოველებს მხოლოდ ოჯახის საყვარელ წევრად ყოფნა კი არა, ფანტასტიკურ მოდელებად ჩამოყალიბებაც შეუძლია“.
მართალია, კადრებში ძაღლები დომინირებს, მაგრამ აქვე ნახავთ კატებსა და ცხენებს, ღორებს, ძროხებს, ქათმებს, თუთიყუშებს, გველებს, ბაყაყებს, ოქროს თევზებსა და სხვას. განსაკუთრებულ ყურადრებას იმსახურებს ელენ რეუსის გველის სტუდიური პორტრეტი, რომლითაც მან Open Portrait-ის კატეგორიაში გაიმარჯვა — „ძალიან ბედნიერი და ამაყი ვარ. ეს აჩვენებს, მიუხედავად იმისა, რომ შენი შინაური ცხოველი გველია, მაინც შეგიძლია კარგი სტუდიური პორტრეტები გადაუღო მას. ძალიან მიყვარს გველების გადაღება, წარმოუდგენლად ფოტოგენურები არიან“.
დოკუმენტური სურათებით დაწყებული, მაწანწალა ძაღლებით გაგრძელებული და კატების შთამბეჭდავი პორტრეტებით დამთავრებული, წლევანდელი გამარჯვებულები შინაური ცხოველების პროფესიონალური ფოტოგრაფიის სამყაროში გვამოგზაურებენ, მათ ნაწილს კი ქვემოთ გაჩვენებთ:
International Pet Photography Awards 2025-ის ტოპ 100 ფინალისტის სრულად ნახვას ოფიციალურ ვებგვერდზე შეძლებთ.
