IPCC კომპანიებს ავტომოპასუხის (Voice Broadcasting) სერვისს სთავაზობს. ამ მომსახურებით მათ საშუალება ექნებათ საკუთარ მომხარებლებს გაუგზავნონ შეტყობინება სიახლეების, დავალიანების ან სხვა ინფორმაციის შესახებ.
თორნიკე ზედგინიძე (კომპანია IPCC-ს დამფუძნებელი) : დაახლოებით, 1 წლის წინ გაჩნდა იდეა, შეგვექმნა მომსახურება, რომელიც კომპანიებს სხვა ქვეყნებში უკვე საკმაოდ პოპულარულ სერვისს შესთავაზებდა. მას შემდეგ ვმუშაობდით პროგრამის გამართვასა და ტესტირებაზე. გვინდოდა შეგვექმნა სისტემა, რომელიც აქაურ მოთხოვნებზე მორგებული და ყველა სიდიდის კომპანიისთვის ხელმისაწვდომი იქნებოდა.
M: რას გულისხმობს ეს “სტარტაპი”?
ამ “ სტარტაპის” იდეაა, გაუმარტივოს ორგანიზაციებს მომხმარებლებთან კავშირი. დღეს მათ უწევთ ოპერატორების ჯგუფის შექმნა, რაც საკმაოდ დიდ რესურსს მოითხოვს. ჩვენ ვთავაზობთ “ჭკვიან” ავტომოპასუხეს, რომელიც დაეხმარება ავტომატურად მიაწოდონ სხვადასხვა სახის ინფორმაცა მომხმარებლებს. ეს შეიძლება იყოს ნებისმიერი სიახლე, დავალიანების შეხსენება ან სხვა სახის ნოტიფიკაცია. რესურსების დაზოგვის გარდა, კომპანიები შეძლებენ დანერგონ ისეთი სერვისები, რაც აქამდე მათთვის შეუძლებელი იყო. მაგალითად, ჩაატარონ მასიური გამოკითხვები. სამწუხაროდ, ასეთი პრაქტიკის არქონის გამო, ძირითადად, ორგანზაციებს არ აქვთ ინფორმაცია რამდენად კმაყოფილები არიან მათი მომხმარებლები, იყო თუ არა რაიმე დარღვევა. რაც ხშირ შემთხვევაში, საკმაოდ ცუდ შედეგებამდე მიდის. ჩვენი სერვისით კომპანიები შეძლებენ სისტემატიურად ადევნონ თვალი შეთავაზებული სერვისის ხარისხს და დროულად შეიტყონ დარღვევის შესახებ. საბოლოოდ კი შეძლებენ იყონ მეტად ინფორმირებულები, მოახდინონ დროული რეაგირება და გაზარდონ მომხმარებლების რაოდენობა.
M: რატომ უნდა აირჩიონ ეს მომსახურება, რა სარგებელს მოუტანს დამკვეთებს?
სარგებელი დამოკიდებულიაკომპანიის სექტორზე. მაგალითად,საკრედიტო ორგანიზაციები ხშირად იყენებენ მსგავს სერვის, რომ ავტომატურად აცნობონ მომხმარებლებს დავალიანების გადახდის შესახებ. პრაქტიკიდან ჩანს, რომ მსესხებლების უმეტესობას, ვინც არ იხდის დროულად თანხას, უბრალოდ ავიწყდებათ, რომთანხა აქვთ დასაფარი. თუ კომპანია შეახსენებს მათ, დიდი ნაწილი დროულად დაფარავს თანხას. ამ შემთხვევაში სარგებელს ნახავს როგორც მომხმარებელი, ასევე – დამკვეთი. საკრედიტოორგანიზაციების გარდა, სარგებელი შეიძლება ნახოს ყველა ტიპის კომპანიამ, ვისაც ყავს მასიური მომხმარებლები. იმისათვის რომ მათ შესთავაზონ საუკეთესო ხარისხი საჭიროა მომხმარებლებთან არ დაკარგონ კავშირი. ეს კი წარმატებისთვის ერთ-ერთი მნიშვნელოვანი ნაბიჯია
M: როგორ შეიძლება დამკვეთმა თავი დაიცვას მომხმარებლების შეწუხებისგან? არის თუ არა რაიმე მეთოდი?
ამისათვის არსებობს ეგრეთ წოდებული “Do-Not-Call” სიები. ჩვენ დამკვეთებს ყოველთვის ვურჩევთ, ავტომოპასუხით დარეკვის დროს მომხმარებლებს მისცენ შესაძლებლობა გააუქმონ მსგავსი ზარები. ამ შემთხვევაში მათი ნომერი მოხვდება “Do-Not-Call” სიაში, რაც შემდეგში დაბლოკავს ამ ნომერზე დაკავშირებას. ამით ორგანიზაციებს შეუძლიათ დაზღვეულნი იყვნენ მომხმარებლების ზედმეტად შეწუხებისგან.
M: საზღვარგარეთ როგორ მუშაობს ეს სერვისი?
ყველას აქვს დამოუკიდებელი გადაწყვეტილება და მიდგომა იმ სერვისების მიმართ, რასაც მომხმარებლებს სთავაზობენ. ჩვენი სექტორი, ამ შემთხვევაში, არის მხოლოდ საქართველოს კომპანიები და ვციდლობთმაქსიმალურად მოვარგოთ მათ.
M: რამდენად მნიშვნელოვანია, ზოგადად, სტარტაპების განვითარება?
გვიმუშავია და ვმუშაობთ რამოდენიმე “სტარტაპზე” პარალელურად. არის სირთულეები, რისი გადალახვაც უწევს ყველა დამწყებს. მაგრამ გვჯერა, რომ სწორი დამოკიდებულებით შესაძლებელია განვითარება და შედეგის მიღწევა.
