ამბობენ, შავი ყოველთვის ელეგანტურიაო, თუმცა, თუ Apple-ის ახალ სარეკლამო ვიდეორგოლს შევხედავთ, რომელიც ბრენდმა თავისი წითელი iPhone 8-ისთვის მოამზადა, არც ამ ფერის დახვეწილობასა და მიმზიდველობას დავტოვებთ დაუფასებელს. კომპანიამ ვიდეორგოლი სმარტფონის ახალი ფერის გაყიდვაში ოფიციალურად გამოსვლის თარიღთან (13 აპრილი) დაკავშირებით გაავრცელა და სულ რამდენიმე დღეში, 5 მილიონზე მეტი მნახველის ყურადღებაც მიიპყრო.
