„ირაო“, სამოგზაურო დაზღვევით, COVID-19-ის ხარჯებსაც დაფარავს

„ირაომ“ სამოგზაურო დაზღვევის პაკეტი განაახლა – კომპანია, მომხმარებლებს, დამატებით, COVID-19-ის მკურნალობის ხარჯების დაფარვას სთავაზობს.

უფრო კონკრეტულად კი, თუ საქართველოს საზღვრის გადაკვეთის შემდეგ, დაზღვეულს დაუდასტურდება კორონავირუსი, მისი მკურნალობის ხარჯებს, შესაბამისი ლიმიტის ფარგლებში, „ირაო“ დაფარავს.

„ამისთვის, COVID-19-ის გამოვლენიდან, არაუგვიანეს 24 საათისა, დაზღვეულმა საერთაშორისო ასისტანსს უნდა მიმართოს. ან დამოუკიდებლად დაფაროს მომსახურების ხარჯები და საქართველოში ჩამოსვლის შემდეგ, წარდგენილი დოკუმენტაციის საფუძველზე, მიიღოს ანაზღაურება ირაოსგან“.

ამ მომსახურებისთვის, სტანდარტულ სამოგზაურო დაზღვევის ღირებულებას დღეში, 3 ლარი დაემატება.

„ირაო“ COVID-19-ის ხარჯებს, ნებისმიერ დაზღვეულს დაუფარავს, თუ მისი მიმღები ქვეყანა ამ დაავადების მკურნალობას არ ფარავს.

განახლებულ პაკეტზე იგივე ლიმიტები, დაფარვები და ფრანშიზა (ასეთის არსებობის შემთხვევაში) ვრცელდება, რაც „ირაოს“ სტანდარტულ სამოგზაურო დაზღვევას აქვს.

COVID-19 დაფარვის შეძენა, დამატებით, შესაძლებელია, როგორც სტანდარტულ (ერთჯერად) სამოგზაურო პოლისზე, ისე მრავალჯერად სამოგზაურო პოლისებზე – „მულტიპოლისი“ და „მოგზაური“.

„ირაოს“ სადაზღვევო პაკეტების შეძენა შესაძლებელია „ონლაინ“, კომპანიის ვებგვერდზე. დამატებითი ინფორმაციისთვის, ასევე, შეგიძლიათ მიმართოთ კომპანიის ცხელ ხაზს – 995 (32) 2 949 949.

 

[R]