ქეთი, გვიამბე რა სპეციალობაზე სწავლობდი სტეპში
სტეპში ვსწავლობდი გრაფიკული დიზაინზე, სადაც დავეუფლე ისეთ უნარებს, როგორებიცაა ილუსტრაციების შექმნა, ფოტოების დამუშავება, ლოგოს შექმნა, ბრენდინგზე მუშაობა და ასევე UX/UI. სწავლა დავასრულე 2022 წელს და შესაბამისი, ოფიციალური სერტიფიკატიც მივიღე.
რომელ კომპანიაში მუშაობ ახლა და რა პოზიციაზე? რა დავალებებს მოიცავს შენი საქმიანობა?
ამჟამად ვმუშაობ Biletebi.ge-ში უფროსი გრაფიკული დიზაინერის პოზიციაზე, სადაც ვასრულებ მრავალფეროვან და კრეატიულ დავალებებს, მათ შორის, ვქმნი უნიკალურ დიზაინებს სხვადასხვა ღონისძიებისთვის, ვმუშაობ განსხვავებული კამპანიების ვიზუალურ ნაწილზე და ზოგადად, არასტანდარტულ პროექტებზე, რაც ჩემს სამუშაო პროცესს განსაკუთრებით საინტერესოსა და მრავალფეროვანს ხდის. ამასთან, როგორც უფროსი გრაფიკული დიზაინერი, ვმონაწილეობ ახალი კრეატიული კონცეფციების შემუშავებაში და ვზრუნავ კომპანიის ბრენდის ვიზუალური სტანდარტების განვითარებაზე, რაც კიდევ უფრო მეტ გამოწვევასა და პროფესიულ ზრდის შესაძლებლობას მაძლევს.
ყველაზე მეტად, რომელი პროექტით ამაყობ, რომელზეც გიმუშავია?
ყველაზე მეტად ვამაყობ K.ART-ის ბრენდინგით, რომელიც ჩემი პროფესიული კარიერის ერთ-ერთი ყველაზე მნიშვნელოვანი პროექტი აღმოჩნდა. ამ პროექტში ჩავდე არა მხოლოდ ჩემი პროფესიული გამოცდილება, არამედ უდიდესი ემოციური და ინტელექტუალური რესურსი. განსაკუთრებით მახარებს, რომ ჩემი ძალისხმევა წარმატებული აღმოჩნდა და შედეგმა ყველა მოლოდინს გადააჭარბა. ეს გამოცდილება კიდევ ერთხელ მარწმუნებს, რომ როდესაც პროექტში მთელ შენს ცოდნასა და ენერგიას დებ, შედეგიც შესაბამისი გამოდის.
რა არის ყველაზე მნიშვნელოვანი უნარი/უნარები, რომლებიც სტეპში ისწავლე?
სტეპში გატარებულმა პერიოდმა არა მხოლოდ პროფესიული უნარები შემძინა, არამედ ფუნდამენტურად შეცვალა ჩემი დამოკიდებულება გამოწვევების მიმართ. ყველაზე მნიშვნელოვანი გაკვეთილი, რაც იქ მივიღე, არის ის, რომ არასდროს უნდა დანებდე, რაც არ უნდა რთული გეჩვენებოდეს დასახული ამოცანა. როგორც დიზაინერმა ვისწავლე, რომ ყველა დავალებას, თუნდაც თავდაპირველად შეუძლებლად მოგეჩვენოს, აქვს გადაჭრის გზა – საჭიროა მხოლოდ მიზანდასახულობა და შეუპოვრობა. ეს პრინციპი დღემდე მეხმარება პროფესიულ განვითარებაში და მწამს, რომ ნებისმიერი კრეატიული ამოცანა გადაწყვეტადია, თუ მას საჭირო დროს, ენერგიასა და მონდომებას დაუთმობ.
როგორია სწავლის პროცესი სტეპში?
სწავლის პროცესი სტეპში იყო განსაკუთრებით ინტენსიური და შრომატევადი, მაგრამ ამავდროულად, უაღრესად საინტერესო და სასიამოვნო. ყოველი ახალი პროექტი და დავალება ახალ გამოწვევებს და შესაძლებლობებს მაძლევდა პროფესიული ზრდისთვის. მიუხედავად იმისა, რომ ხშირად მრავალი საათის განმავლობაში მიწევდა მუშაობა და დიდ ძალისხმევას მოითხოვდა თითოეული დავალება, ეს პროცესი იყო საოცრად სახალისო და შთამაგონებელი, რადგან ყოველდღიურად ვხედავდი საკუთარ პროგრესს და ვითვისებდი ახალ უნარებს.
რა როლი ითამაშა IT აკადემია STEP-მა შენ ცხოვრებაში?
ჰმ! IT აკადემია STEP-მა ჩემს ცხოვრებაში გარდამტეხი როლი ითამაშა. აკადემიაში მოსვლამდე იურიდიულ კარიერას ვგეგმავდი, თუმცა გულის სიღრმეში ვგრძნობდი, რომ ეს პროფესია ჩემთვის უცხო იყო და ვერასოდეს მომიტანდა იმ სიხარულს, რასაც საქმისგან ველოდი. სტეპში სწავლის დაწყებამ კი ჩემი ცხოვრება სრულიად ახალი მიმართულებით წაიყვანა – აღმოვაჩინე გრაფიკული დიზაინის სამყარო, სადაც შემოქმედებითობა და პროფესიონალიზმი ერთმანეთს ერწყმის. დღეს უკვე წარმატებული დიზაინერი ვარ და შემიძლია თამამად ვთქვა, რომ ნამდვილად ბედნიერი ვარ ჩემს პროფესიაში. სტეპმა დამანახა, რომ არასდროს არის გვიან საკუთარი ნამდვილი მოწოდების პოვნა და მისკენ სვლა.
რა რჩევას მისცემდი ახლანდელ სტეპერებს?
ჩემი გამოცდილებიდან გამომდინარე, მინდა ვურჩიო სტეპის სტუდენტებს, ყურადღებით მოუსმინონ და ენდონ თავიანთ ლექტორებს, მაშინაც კი, როცა ჰგონიათ, რომ კონკრეტულ საკითხში მეტი ცოდნა აქვთ. თუმცა, ეს მხოლოდ ჩემი პირადი გამოცდილებაა და თავად უნდა გადაწყვიტონ, რამდენად გაითვალისწინებენ ამ რჩევას. ასევე, განსაკუთრებით მნიშვნელოვანია, რომ არ დაიზარონ და ჩადონ მაქსიმალური შრომა სწავლის პროცესში, რადგან მხოლოდ ასე შეძლებენ სასურველი შედეგის მიღწევას.
[R]
