შვეიცარელმა საათების მწარმოებელმა Jaeger-LeCoultre-მ სულ ახლახან გამოაქვეყნა იაპონელი მხატვრის ხელოვნებით შთაგონებული 2 ნამუშევარი, რომლითაც კაცუშიკა ჰოკუსაის მიაგო პატივი… ეს საათები Reverso Tribute-ის კოლექციის ნაწილია, მხატვრის ნამუშევრები კი მინანქრით არის შესრულებული.
უფრო კონკრეტულად Jaeger-LeCoultre-ის საათებზე ჰოკუსაის ორი შედევრია დატანილი: The Waterfall At Ono On The Kisokaido Road და The Waterfall Where Yoshitsune Washed His Horse At Yoshino In Yamato Province. ეს ნახატები კი მხატვარმა 1831-1833 წლებში იაპონიაში მოგზაურობისას შექმნა…
ჰოკუსაის ნამუშევრების მინიატურულ მასშტაბში გადატანა საათის მწარმოებლების დიდ ოსტატობას მოითხოვდა — Geneva-ს ტექნიკით მინანქრის დატანას ზუსტად 8 საათი დასჭირდა, რაც მოითხოვდა მინანქრის 14 ფენას, რომელთაგანაც თითოეული 800 გრადუსზე უნდა გაცხელებულიყო. როგორც ჩანს, ეს წარმატებითაც მოახერხეს, ნამუშევრის ორიგინალი ფერები, თავისივე დეტალებით, საათზე ზუსტად არის დატანილი.
