გასული წლის ნოემბერში, Jaguar Land Rover-მა (JLR) თამამი რებრენდინგი წარმოადგინა. ბრიტანულმა ავტომწარმოებელმა, რომელიც დიდი ხანია ცნობილია თავისი ელეგანტური დიზაინით, ვიზუალურ იდენტობაში ცვლილებები შეიტანა, რამაც გააკვირვა ერთგული გულშემატკივრები და არაერთგვაროვანი რეაქციები გამოიწვია.
ლოგოდან ამოღებულ იქნა ლეგენდარული „growler“ ემბლემა და დარჩა მინიმალისტური „J“. როგორც გაირკვა, ეს ნაბიჯი დაკავშირებულია ახალ სტრატეგიასთან, რომლის მიხედვითაც, 2026 წლისთვის Jaguar სრულად ელექტრო ბრენდად უნდა გარდაიქმნას, თუმცა თაყვანისმცემლებისთვის ეს არც ისე მარტივად გასაგები აღმოჩნდა.


რა მოხდა არასწორად? ამ კითხვას სააგენტო The Behaviours Agency-ს ხელმძღვანელი პასუხობს, რომელმაც ახალი იდენტობა შეიმუშავა და ამბობს, რომ: „რებრენდინგმა დააზარალა ემოციები. ახალი იდენტობა ცივი და გულგრილია. ასევე, ბოლომდე არაა დაცული თანმიმდევრულობა მემკვიდრეობასა და მომავალს შორის”.
ზოგიერთმა კრიტიკოსმა ბრენდის ეს გადაწყვეტილება Rolls-Royce-ის მაგალითსაც შეადარა და აღნიშნა, რომ ეს იგივეა, Rolls-Royce-მა უარი თქვას თავის ლეგენდარულ სიმბოლოზე Spirit of Ecstasy.
როგორც წესი, წარმატებული რებრენდინგი ინარჩუნებს საკმარის კავშირს ბრენდის ძირითად იდენტობასთან, რათა მომხმარებლები უბრალოდ ევოლუციას შეესწრონ და არა მთლიან ცვლილებას. თუმცა Jaguar-მა იმდენად დიდი სიახლეები შეიტანა, რომ ეს შეფასდა, როგორც რეინვენცია და არა რასაც მარკეტერები რებრენდინგს ვეძახით.
რა თქმა უნდა, თავის მხრივ, ყველაფერს აქვს ახსნა, მათ შორის ბრენდის ამ საქციელსაც. პასუხი უფრო ფართოდ უნდა გავშალოთ, ვიდრე უბრალოდ ერთი ვიზუალის მეორით შეცვლაა.
საქმე ისაა, რომ ელექტრომობილები, თავისი არსით, მინიმალიზმისკენ მიისწრაფვის. მათი მთავარი ორიენტირია ტექნოლოგია და ენერგოეფექტურობა, ნაკლები აქცენტი კეთდება ავტომობილთან ემოციური კავშირის დამყარებაზე. ამ კონტექსტში Jaguar სწორედ მინიმალიზმზე გადაერთო და მისი მიზანი იყო არა ემოციების გამოწვევა, არამედ უფრო ფართო პრობლემის გადაწყვეტაც, რაც შიდაწვისძრავიანი ავტომობილებს მოაქვს.
თუმცა ამ არგუმენტსაც მოსდევს კონტრარგუმენტი, რომ დიზაინი ძრავის ახალ ხმად უნდა გადაიქცეს და აღძრას ემოციები. ზოგს მაგალითისთვის 2024 წლის Renault 5, ელექტრომობილი მოჰყავს და ამბობს, რომ ეს არის რეტროსა და თანამედროვეობის დიზაინის მასტერკლასი, რომ შესაძლებელია, ელექტრომანქანის იდენტობამ მოგხიბლოს და გამოავლინოს ხასიათი.
მოკლედ, რა ვისწავლეთ ამ მაგალითიდან? ის, რომ ევოლუციამ არ უნდა გამოიწვიოს რევოლუცია. ზედმეტად რადიკალური რებრენდინგი შეიძლება დამღუპველი აღმოჩნდეს, ხოლო პირიქით, წარმატებულმა ცვლილებამ ახალ სიმაღლეზე აიყვანოს კომპანია. კრიტიკოსები ხაზს უსვამენ მომხმარებლებისთვის ცნობადი ელემენტების შენარჩუნების მნიშვნელობას და ამბობენ, რომ ახალმა იდენტობამ ადამიანის გონებაში მალსახმობები უნდა გააღვიძოს, რომლებითაც ის დააკავშირებს ახალ ლოგოს ძველთან. Jaguar-ის მიერ „growler”-ის მთლიანად უარყოფამ გაანადგურა ძლიერი ვიზუალური სიგნალი, რომელმაც ათწლეულების განმავლობაში ცნობადობა შექმნა. მარტივი გაკვეთილი ის არის, რომ ბრენდებმა ყურადღებით უნდა გადაამოწმონ თავიანთი გამორჩეული აქტივები, სანამ მათ შეცვლიან და მთლიანად გაანადგურებენ.