გასული საუკუნის პირველ ნახევარში, გერმანიაში შექმნილი სითხის კონტეინერი – Jerrycan, მეორე მსოფლიო ომში გამოიყენებოდა. მისი მოსახერხებელმა დიზაინმა და მილიტარისტულ მიზნებზე გათვლილმა დეტალებმა, სხვადასხვა ქვეყნის არმიას საომარი მოქმედებების უფრო მარტივი და ეფექტური განხორციელების შესაძლებლობა მისცა. აშშ-ის პრეზიდენტ ფრანკლინ რუზველტის თქმით, Jerrycan-ის გამოყენებით, კონტინენტურ ევროპაზე გადასმულმა ამერიკულმა დესანტმა გერმანულ ბლიცკრიგზე სწრაფად გადაადგილება შეძლო.
Jerrycan არის მყარი კონტეინერი, რომელიც დაპრესილი ფოლადისგანაა დამზადებული და ძირითადად, ბენზინის გადასატანად გამოიყენება. მისი დიზაინი მოსახერხებელს ხდის კონტეინერების კომპაქტურ დაწყობას -მოთავსება მარტივია სატრანსპორტო საშუალების, როგორც გარე, ისე შიდა ნაწილებში. Jerrycan-ს თერმული კონტროლისთვის აქვს ჩაღრმავებები და გამონაზარდები, რაც სითხეს ამინდის ექსტრემალური ცვლილებებისგან იცავს. გარდა ამისა, ჭურჭლის მომრგვალებული კუთხეები ამცირებს თავად Jerrycan-ისა და მის ირგვლივ მდებარე ნივთების დაზიანებას. მისი ერთ-ერთი გამორჩეული თვისება სახელურია, რომლის მეშვეობითაც ორ ადამიანს ერთობლივად სამი კონტეინერის გადაზიდვა შეუძლია.
„საიდუმლო იარაღის“ – Jerrycan-ის გამორჩეულ თვისებებზე, უფრო დაწვრილებით კალუმ რასეი 30-წუთიან ვიდეოში გვიყვება.
