in

John Lewis რებრენდინგს „ცხოვრების ყველა მომენტისთვის“ აკეთებს

ბრიტანულმა საცალო ვაჭრობის ბრენდმა John Lewis Partnership-მა ბოლო 5 წლის მანძილზე მნიშვნელოვანი ზარალი განიცადა, მაგრამ ახლა იგი მიზნად ისახავს, 2025 წლისთვის 400 მილიონი ფუნტის მოგება მიიღოს…

დიახ, ისინი ცნობილნი არიან სლოგანით: Never Knowingly Undersold და ეს ფრაზა 2020 წლამდე, 97 წლის მანძილზე, ისმოდა. შემდეგ კი ისეთი პოტენციური განთავსებები შემოგვთავაზეს, როგორებიცაა: „ჯონ ლუისი: ცხოვრება მშვენიერია“, „იმედებისა და ოცნებებისთვის: ჯონ ლუისი“, „ბედნიერი სიცოცხლისთვის: ჯონ ლუისი და ჯონ ლუისი: ცხოვრების ყველა მომენტისთვის.

ადამიანები თქვენგან ყიდულობენ იმის გამო, თუ რას ნიშნავს თქვენი ბრენდი. ვგრძნობდი, რომ ყველა კითხვა, რაც აქ ყოფნის შემდეგ გამიჩნდა, Never Knowingly Undersold-ს ეხებოდა. ეს ფასის დაპირება გახლდათ. მაგრამ ის, რაც ჩვენ გვჭირდებოდა, ბრენდის მკაფიო პოზიციონირება იყო, რათა გვეჩვენებინა როლი, რომელსაც ჩვენ ადამიანების ცხოვრებაში ვთამაშობთ, — აცხადებს კლერ პოინტონი, კომპანიის მომხმარებელთა ხელმძღვანელი. 

საბოლოოდ კი ეს ყველაფერი გადაიზარდა სლოგანში: ცხოვრების ყველა მომენტისთვის და უახლესი ისტორიის განმავლობაში ბრენდის ერთ-ერთი ყველაზე მნიშვნელოვანი ცვლილებაც გამოავლინა… ეს ახალი პოზიციონირება ბრენდისგან საჩუქრებს გვთავაზობს როგორც დიდი დღესასწაულებისთვის, დაბადების დღის, ქორწილებისა და ახალი წლისთვის, ისე ყოველდღიური საყიდლებისთვის, იქნება ეს ტანსაცმელები თუ ჭურჭელი სახლისთვის. 

თუმცა ამისთვის, მას ბრენდინგი უფრო აგრესიულ ფასებთან უნდა დაეკავშირებინა. საცალო ვაჭრობის ბრენდი წელს ვალდებულია, ფასების შესამცირებლად 500 მილიონი ფუნტი გამოიტანოს, რაც გასული წლის მაჩვენებელზე 100 მილიონი ფუნტით მეტია. მსგავსად კი, ხაზს უსვამენ ყოველდღიურ ხარისხსა და ღირებულებას. ამ ბიუჯეტის ნაწილი ბრენდის ასორტიმენტის, Anyday-ის გაფართოებას მოხმარდა, რამაც მას კატეგორიების უფრო ფართო სპექტრზე ფასების უკეთ გაკონტროლების საშუალება მისცა. და რახან ეს წამოწყება წარმატებული გამოდგა, მათ ჯონ ლუისის კიდევ ერთი ახალი ბრენდიც გამოუშვეს. 

ცხოვრების ყველა მომენტისთვის არ არის სლოგანი. ეს არის საბოლოო ხაზი, რომელიც მომხმარებლებს აცნობებს იმას, რისთვისაც ვარსებობთ. მაგრამ ეს შინაგანად ძალიან მნიშვნელოვანია, რადგან ჩვენ ნათლად ვიცით ის მომენტები, რომლებშიც გამარჯვება გვინდა და ის პროდუქტები, სერვისები თუ გამოცდილება, რომელიც ამ მომენტებთან არის დაკავშირებული. ახალი პოზიციონირება მნიშვნელოვნად აუმჯობესებს ბიზნესში გადაწყვეტილების მიღების პროცესს, — ამბობს პოინტონი. 

დიახ, უდავოდ შეგვიძლია ვთქვათ, რომ ამას გაუმჯობესება სჭირდება. პანდემიამდე John Lewis-ს ნაკლები მოგება ჰქონდა. მართალია, მათ რებრენდინგს და გარკვეულ პარტნიორობებსაც მიმართეს, მაგრამ ციფრები მაინც არასწორი მიმართულებით მიდიოდა. 2020 წლის თებერვალში კომპანიის თავმჯდომარის შერონ უაითის ჩამოსვლამ კი სიტუაცია დრამატულად შეცვალა. აქ საუბარია საოპერაციო ხარჯების, მენეჯმენტში დასაქმებული ადამიანების შემცირებასა და იმ მაღაზიების დახურვაზე, რომლებიც აღარ მუშაობდა. შედეგად, დღეს დანაკარგები აღარ არსებობს, ბრენდი კი კვლავ აგრძელებს მომხმარებლის გულის მოგებას. 

“გამოცოცხლება გვჭირდებოდა, ბრენდის დიდი სიყვარული გვაქვს, მაგრამ ახლა მნიშვნელობა და სიხშირე გვინდა. ნამდვილად შევიძინეთ ახალი მომხმარებლები და შესაბამისობის კუთხითაც დავინახეთ წინსვლა. ეს ჩვენი სამომავლო მიმართულების საფუძველია და ამას ძალიან რთულ პერიოდში ვიწყებთ… რეცესიის დროს ადამიანები იმ ბრენდებს ირჩევენ, რომლებსაც ენდობიან, ეს კი თავდაჯერებულობას მმატებს. იმისათვის, რომ მამაცი იყოთ, მკაფიოდ უნდა თქვათ, რა გსურთ და მკაფიოდ უნდა გესმოდეთ, რა როლს ასრულებთ ადამიანების ცხოვრებაში“, — განმარტავს პოინტონი.

ზეთით სავსე აუზი და მოდის ინდუსტრიით გამოწვეული ეკოლოგიური ზიანი

ყველაზე დიდი ოფშორული ქარის ელექტროსადგური უკვე სრულად ფუნქციონირებს!