ბევრი მსახიობის მსგავსად, ჯონ ჰემი დიდ ძალისხმევას იყენებს როლისთვის მოსამზადებლად. Coca-Cola-ს ბრენდის, Minute Maid Zero Sugar-ის პირველ გლობალურ კამპანიაშიც ჩანს, როგორ ემზადება ახალი პერსონაჟის განსასახიერებლად… თუმცა მოულოდნელად არკვევს, რომ გადაღება მის გარეშე წარიმართა. აქ ბრენდი სიმბოლურ გადახვევას მიმართავს — „პროდუქტი იმდენად კარგია, რომ ცნობილი ადამიანით ტრაბახი არ სჭირდება“.
რეკლამაზე WPP Open X-მა იმუშავა — სააგენტომ, რომელიც კოკა-კოლასთვის მუშაობს. ამ შემთხვევაში შემოქმედებითმა ჯგუფმა სახალისო განწყობა გამოიყენა: „ჯონ, Minute Maid Zero Sugar საკუთარ თავს ყიდის. არაფრის გაკეთება არ გჭირდება“, — ეუბნება აგენტი მსახიობს და ასე აჯამებს კამპანიის კონცეფციას.
