თუ გაინტერესებთ, რა მოუხერხოთ თქვენი ბრენდის კრიტიკოსებს, მაგალითი Jose Cuervo-სგან უნდა აიღოთ, რომელიც მათ მწვავე შეფასებებს საკმაოდ ოსტატური და სასაცილო ხერხით დაუპირისპირდა. Proximo Spirits-ის ტეკილას ყველაზე გაყიდვადმა ბრენდმა და Ultimate Fighting Championship-ის (UFC) ოფიციალურმა სპონსორმა სახალისო კამპანია UFC-ის მძიმე წონის ჩემპიონ ტომ ასპინალთან ერთად შემოგვთავაზა.
ამბავი ასეთია — კამპანიაში Cuervo-ს კრიტიკოსებს იწვევენ, რათა თავიანთი რეცეპტორები ბრმა ტესტში გამოცადონ. აქ გვაცნობენ ბენს, ბრაიანსა და ჯექსონს, რომელთა მისიაც ტეკილას იდეტიფიცირებაა გემოდ, რომელსაც მანამდე „like barbecue sauce mixed with gasoline“-ს და „bad – like ass“ უწოდეს… ხოლო, დაიმსახურებს თუ არა ახლაც ამ სიტყვებს Cuervo, ეს თავად ნახეთ:
„თავხედური და არარელევანტური, მოულოდნელი და ავთენტური, მე ეს იდეა პირველი წაკითხვისთანავე მომეწონა. Cuervo-ზე ცუდის მთქმელთა ლას-ვეგასში ჩამოყვანა და მათი დაპირისპირება მთის კაც ტომ ასპინელთან გენიალურია. ამის გადაღება კი UFC Apex-ის ოქტაგონში საოცრება იყო… მე ვაღმერთებ მსგავს ცოცხალ და სპონტანურ სცენებს“, — აცხადებს სემ კედმენი, რეჟისორი.
კამპანიაზე შემოქმედებითმა სააგენტო Mekanism-მა იმუშავა.
