ევროპის საფეხბურთო ჩემპიონატისადმი მოლოდინი სულ უფრო მწვავდება, რაც სარეკლამო ინდუსტრიაზეც აისახება. ამჯერად საკოლექციო პროდუქციის კომპანია Topps-მა ახალი კამპანია დაიწყო, რომელშიც ჟოზე მოურინიო მონაწილეობს. ვინაიდან „ტოპსი“ ჩემპიონატის ოფიციალური პარტნიორია, მოურინიო კი ბრენდის ელჩი, სამზადისიც აქტიურად მიმდინარეობს. სწორედ ეს პროცესი ჩანს უახლეს ვიდეორგოლშიც.
„ჟოზე მოურინიო კიდევ ერთხელ გვიჩვენებს, რატომ ეძახიან მას განსაკუთრებულს და რატომაა იდეალური არჩევანი ყოველთვის“, — აღნიშნავენ Topps-ში.
