„მკერდი სხეულის ისეთივე ნაწილია, როგორიც ცხვირი“ – კამპანია #JustBoobs

8 მარტს, ქალთა საერთაშორისო დღეს, ამსტერდამის არხებში გიგანტურმა, სხვადასხვა ზომის, ფორმისა და ფერის მკერდებმა დაიწყეს ტივტივი. „ჩვენი ეს ქმედება იმ ფაქტის აღნიშნვაა, რომ ძუძუები, უბრალოდ, ძუძუებია“, – ამბობს იდეის ავტორი სააგენტო, 72andSunny. „როგორც ცხვირები ჩვენს სახეზე, მკერდიც ჩვენი სხეულის ნაწილია“.

72andSunny-მ ამ იდეის განხორციელება გადაწყვიტა მას შემდეგ, რაც აღმოჩნდა, რომ 160 გამოკითხული ქალიდან უმეტესობას – 78%-ს, ცხოვრების განმავლობაში, უხერხულობის განცდა ჰქონია საკუთარი მკერდის გამო. საააგენტოს მიზანი კი სწორედ ესაა – ქალების სხეულის ნაწილები იყოს თავისუფალი სირცხვილისგან, სტიგმისგან, ჰარასმენტისგან – სექსუალური შევიწროებისგან, ცენზურისა და ობიექტივაციის, ანუ განივთებისგან. 

Credits