Dunkin’ Donuts-მა სახელწოდებიდან “დონატების” ამოღება გადაწყვიტა. სახელისგან, რომელიც ბრენდის გულშემატკივრებისთვის, წლების განმავლობაში, ძალიან ძვირფასი იყო, მხოლოდ პირველი სიტყვა “დანკინ” დარჩება. სახელდების ცვლილებას კომპანიაში სერვისის მოდერნიზებით ხსნიან. სიახლეს მომხმარებლები 2019 წლის იანვრიდან შეამჩნევენ – განახლებული ლოგო, შეფუთვა, რეკლამა, დიზაინი, ვებგვერდი, სოციალური ქსელები… ბევრს გაუჩნდა კითხვა, ხომ არ იცვლის ბრენდი პოზიციონირებას? თუმცა, “დანკინში” აცხადებენ, რომ კომპანიის სავიზიტო ბარათი კვლავაც დონატები იქნება.
