ალბათ, ბევრ თქვენგანს გამოუცდია სამაგიდო თამაშებისას მოტყუების იმედგაცრუება. ეს განსაკუთრებით ხშირად ხდება, როცა თამაშის ერთ-ერთ ხელსაწყოს კამათელი წარმოადგენს. ამის თავიდან ასაცილებლად, ინჟინერმა ტუსონ ლაუბიმ შექმნა კამათელი, რომელიც მოთამაშეს მოტყუებისგან იცავს.
ლაუბიმ მაქსიმალურად “ჩონჩხის” დონემდე დაიყვანა კამათელი — დარჩა მხოლოდ ცენტრალური ბირთვი, რომელიც ყველა ნაწილს აკავშირებს. თითოეული ინდივიდუალური საყრდენი ბრინჯაოსგანაა დამზადებული და შესაძლებელია მოოქრული ან რადიუმის მასალების გამოყენება. კამათლის თითოეულ გვერდზე შესაბამისი ნომრებია ამოტვიფრული.
გარდა იმისა, რომ ინოვაციური კამათლები სასიამოვნო ვიზუალით გამოირჩევა და თაღლითობის საწინააღმდეგო უნიკალურ ფუნქციას გთავაზობთ, მას მესამე ხრიკიც აქვს! რადგანაც იგი ჩონჩხისებრია, ზედაპირზე შეხებისას, ძალიან სასიამოვნო ხმას გამოსცემს.
მრავალწახნაგოვანი გეომეტრიული ფორმების სრული ნაკრებით, Precision Play Signature Dice სერია მოიცავს თამაშების ფართო სპექტრს, დაწყებული ტრადიციული სამაგიდო თამაშებით, დასრულებული Dungeons და Dragons-ით.
