როგორც ჩანს, Mattel სულაც არ ამთავრებს მსოფლიოს ვარდისფრად შეღებვას. ამჯერად კი ამ მიზნით იტალიურ დიზაინის გიგანტ Kartell-თან გაერთიანდა და Milan Design Week-ზე როგორც სათამაშო თოჯინის ზომის, ისე ადამიანებისთვის განკუთვნილი სკამების კოლექცია შემოგვთავაზა. გამოდის, თუ ბავშვობაში ბარბის სახლის ქონაზე გიოცნებიათ, ახლა ეს რეალობადაც შეგიძლიათ აქციოთ…
უფრო ზუსტად Barbie-ის 65-წლიანი ისტორიიდან 5 ყველაზე საყვარელი მოდელი აარჩიეს — AI, Venice, Louis Ghost, Masters და Ero|S|, რომლებიც თავდაპირველად სახელგანთქმულმა დიზაინერმა ფილიპ სტარკმა შემოგვთავაზა. აქ PANTONE 219 C-ის ფერსაც შეხვდებით, რომელიც ზუსტად ესადაგება ბარბის ვარდისფერს და ასე პირველ კოლექციასაც აღნიშნავს, რომელიც სრულად ავეჯს ეძღვნება.
მინიატიურული სკამების 69% ISCC-ის მიერ სერტიფიცირებული ბიო პლასტმასითაა დამზადებული. შეფუთვაც გადამუშავებადი მასალებისგან შექმნეს. მდგრადი გადაწყვეტილებებით კი სურთ, მიგვანიშნონ, რომ ბარბი განაგრძობს იმ სამყაროში ცხოვრებას, რომელიც კეთილად არის განწყობილი გარემოს მიმართ.
