უკრაინის მხარდასაჭერად, ამჯერად ქართველი მხატვრები ერთიანდებიან. შალვა დადიანის 8 ნომერში მდებარე გალერეაში 51 ქართველი მხატვრის ნამუშევარი იქნება წარმოდგენილი. დამთვალიერებლებს გამოფენაზე მისვლა და ნახატების შეძენა შეეძლებათ. მიღებული თანხა კი უკრაინისთვის გამოყოფილ სპეციალურ ფონდში ჩაირიცხება.
გამოფენაზე 60-მდე ნამუშევარი იქნება წარმოდგენილი, დაინტერესებული პირებისთვის კი ციფრული კატალოგიც შეიქმნა. რაც შეეხება ღირებულებას, იგი რეალურ ფასზე ნაკლები იქნება, რათა მათი რეალიზება უფრო სწრაფად მოხდეს…
გამოფენა-გაყიდვა “ქართველი მხატვრები უკრაინისთვის” 5 მარტს 15:00 საათზე გაიმართება და 10 მარტამდე გაგრძელდება. გამოფენის ორგანიზატორები პრინტ ფესტივალის “Life N Stile” დამაარსებელი — ნანა ყირმელაშვილი და ოთარ ყარალაშვილი არიან. ამ უკანასკნელს უკრაინელი ხალხისთვის მხარდასაჭერი აქციები არაერთხელ მოუწყვია…
ნახატების შესახებ განახლებული ინფორმაციის მიღებას Facebook გვერდზე Art for Ukraine შეძლებთ. ასევე, შეგიძლიათ დარეკოთ ნომერზე: 599 21 53 96.
