„კატოს სიზმრები” – ასე ჰქვია ახალ ქართულ მოკლემეტრაჟიან ანიმაციას, რომლის ავტორიც ცოტნე რუსიშვილია, ანიმატორი/ანიმაციის რეჟისორი. ფილმის პერსონაჟები მამა-შვილი არიან – პატარა გოგონა მამას უყვება კოშმარების შესახებ, რომლებიც ღამით ესიზმრება, შემდეგ კი ხელს ჰკიდებს მამას და თავის სიზმარში სამოგზაუროდ მიჰყავს.
ანიმაცია დაფუძნებულია რეალურ ამბავზე და მას ორიგინალურობას სძენს ის, რომ ცოცხალი ხმებია ჩაწერილი, ანუ პერსონაჟების დიალოგი მამა-შვილის, ცოტნესა და კატოს ნამდვილი საუბარია და არა ფილმისთვის სპეციალურად ჩაწერილი ხმა.
„2017 წელს, როცა კატო (ჩემი უფროსი შვილი) იყო სამი წლის, მე მყავდა დატოვებული და ძილის წინ გამომიცხადა, რომ ბოროტული სიზმრები ესიზმრებოდა. მეც მივუჯექი სასაუბროდ, აბა, მომიყევი-მეთქი და ჩვენი დიალოგი ჩავიწერე ტელეფონის ხმის ჩამწერით“, – ჰყვება ცოტნე.
თუ როგორი გამოვიდა საბოლოოდ, რეალურ ამბავსა და დიალოგზე შექმნილი ანიმაცია, ერთად შეგვიძლია, ვნახოთ:
კრედიტები:
