in

კრიტიკული კავშირი ბრენდებსა და გრძნობებს შორის

ალბათ, ხშირად გაგიგიათ ფრაზა: „ხალხი დაივიწყებს შენს ნათქვამს, დაივიწყებს იმას, თუ რა გააკეთე, მაგრამ ყოველთვის ემახსოვრება ის გრძნობა, რაც მიანიჭე“. ის თითქმის ყველა ბრენდის კონფერენციაზე ჩნდება, რადგან რეალურად ძალიან მჭიდრო კავშირი აქვს კომპანიების მისიის განსაზღვრასთან.

ძალიან ხშირად სტარტაპები და მეწარმეები მხოლოდ იმაზე ფოკუსირდებიან, თუ რისი გაკეთება სურთ. ძალიან მარტივ კითხვაზე კი ვერ ახერხებენ სრული პასუხის გაცემას: „რა გვინდა, რომ ადამიანებმა იგრძნონ?“. შესაბამისად, ზოგჯერ ეს ფაქტორი ბრენდის დამოკიდებულებასა და ტონში გადადის, რაც ძალიან ცუდია მისი მარკეტინგისთვის — ემოცია არის ყველაზე მნიშვნელოვანი ფაქტორი, რომელიც კომპანიებს შეუძლიათ, მომხმარებლებს მიანიჭონ.

კარგად რომ დაფიქრდეთ, პროდუქტის/მომსახურების გაშვებიდან დაახლოებით ექვსი თვის ვადაში სხვა ბრენდებიც „დააკოპირებენ“ მას… უკვე 18 თვის შემდეგ კი მასობრივი გავრცელების საქონლად იქცევა. ხოლო ის, თუ როგორ გრძნობენ ადამიანები თავს თქვენი კომპანიის „ქვეშ“, მთავარ განმასხვავებელ ნიუანსად იქცევა.

მაგალითად, ძალიან ბევრი კომპანია ქმნის მოდურ სათვალეებს, მაგრამ Warby Parker მეტ პოზიტიურობასა და ბრწყინვალებას მატებს თავის პროდუქციას. თუნდაც იმით, რომ აქტიურად ეკითხებიან მომხმარებლებს, რა მოსწონთ მათ, რამდენად კმაყოფილები არიან ახალი კოლექციით/კამპანიით და ა. შ.

ამასთან, ყველაზე სწრაფად მზარდი ახალი ბრენდები, როგორიცაა Tesla, Quip, Skimm, Glossier და სხვა, გვაგრძნობინებენ იმას, რასაც ტრადიციულად ძველი კომპანიები ვერ აღწევდნენ — მათი ახალი წამოწყებები ჩვენს გონებასა და გრძნობებში მყარად ინერგება. ამას სტატისტიკური მონაცემებიც ცხადყოფს: Ocean Tomo-ს მოხსენების თანახმად, საშუალოდ 500 კომპანია თავისი ღირებულების 84%-ს არამატერიალური აქტივებიდან იღებს. ეს არამატერიალური სახსრები მოიცავს ზრდას, ზრდის მხარდაჭერას და მნიშვნელოვან აქტივობებში მონაწილეობას.

„ჩვენ ადამიანებთან ურთიერთობის თამაშში ვართ და არა შეტყობინებების. ჩვენ უნდა ავაშენოთ ურთიერთობები, რომლებსაც ადამიანები აფასებენ და ასევე, მნიშვნელოვანია, ინიციატივების ღირებულება სწორად შევაფასოთ“, — ამბობს დევიდ გუტელიუსი, Motiva.ai-ს აღმასრულებელი დირექტორი. მისი აზრით, მარკეტინგი (განსაკუთრებით რეკლამა) შეიძლება განიხილებოდეს, როგორც მეთვალყურეობა, როგორც მომსახურება და, შესაბამისად, უკიდურესად ცუდი გზა ნდობისა და ურთიერთობების დასამყარებლად. ამრიგად, მომხმარებელთა მასობრივ სამიზნეებად აღქმა უნდა შეიცვალოს.

როგორ შედგა ორიენტ ლოჯიკისა და EMIS-ის წარმატებული თანამშრომლობა

შექმენით უკეთესი მართვის სისტემა თქვენი მონაცემების გამოსაყენებლად