ამბავი ასეთია — მკერდის კიბოს შესახებ ცნობიერების ასამაღლებლად ბოლივიის სუპერმარკეტების ქსელმა Ketal-მა ერთ მარტივ და ჭკვიანურ მეთოდს მიაგნო. თუმცა მანამდე Ogivly Bolivia-სთან გაერთიანდა და გადაწყვიტა, შემაშფოთებელი სტატისტიკისთვის რაღაც მოეხერხებინა — 4-დან მხოლოდ ერთმა ქალმა იცის, როგორ შეიმოწმოს მკერდზე კიბოს ნიშნები… ამიტომაც, #TouchYourBreasts-ის კამპანია პარალელს ხილისა და მკერდის შემოწმებასთან ავლებს. გვეუბნება, როგორ შეიძლება ჰგავდეს ხილის სიმწიფე, ტექსტურა და არასრულყოფილება პოტენციურ სიმპტომებს.
ავოკადოს ამობურცული ნაწილები, ტექსტურის ცვლილება ფორთოხლის კანში, ლაქები მანგოზე ან პაპაიაზე ახლა ტაქტილური შემახსენებელია ქალებისთვის, რომ გაუფრთხილდნენ მკერდის ჯანმრთელობას.
როგორც ვიგებთ, სუპერმარკეტში განთავსებულ ხილზე QR კოდებიცაა დატანილი, რომლებიც მომხმარებლებს ჯანმრთელობის მდგომარეობის შემოწმებისკენ უბიძგებს. საინტერესოა, რომ Ketal ადგილობრივ კლინიკებთანაც თანამშრომლობს, რათა მომხმარებლებს მკერდის კიბოს სკრინინგი შესთავაზოს.
თუ Ogilvy Bolivia-ს შემოქმედებით ხელმძღვანელ ჰენრი მედინას დავუჯერებთ, კამპანიის გავლენა საკმაოდ დიდ მასშტაბებზე გავრცელდა — ორი მილიონი მოსახლიდან გზავნილი უკვე მიიტანა ერთ მილიონ ადამიანამდე…
