KFC-ის „ბურგერის კოშკი“ იმდენად მაღალი აღმოჩნდა, რომ ტრადიციულ სარეკლამო ფორმატებში ვერ ჩაატიეს. თუმცა მენიუში არსებული პროდუქტის ზომის შემცირების ნაცვლად, გადაწყვიტეს, ეს ფაქტი იუმორისტულად ეჩვენებინათ KFC-ის მოყვარულებისთვის გაერთიანებულ სამეფოში.
შესანიშნავი პროდუქტის სიმაღლე თავიდან კი გამოწვევას ჰგავდა მარკეტერებისთვის, რადგან სტანდარტულ ჰორიზონტალურ ბილბორდებსა თუ ტელევიზორის ეკრანებზე არ ეტეოდა, თუმცა Mother London-ის სარეკლამო სააგენტომ გამოსავალი იპოვა — პირდაპირი გაგებით, ყველაფერი თავდაყირა დააყენეს.
„KFC Tower-ის ბურგერი ზედმეტად მაღალია მედია განთავსების უმეტესი სივრცისთვის. ასე რომ, ამ კამპანიისთვის ადაპტაცია მოგვიწია“, — აცხადებენ სააგენტოში.
შედეგად, ბურგერის პური ხან ბილბორდის თავზე მოაქციეს, ხანაც კი 90 გრადუსით ამოაბრუნეს. და ხომ გახსოვთ, ზოგჯერ მცირე გადახვევასაც კი დიდი შედეგები მოაქვს…
