“Stranger Things”-ის ფინალური სეზონის მოახლოებასთან ერთად, მსხვილი ბრენდები აქტიურად ცდილობენ Netflix-ის კულტური ფენომენის პოპულარობაზე თავიანთი წილი მოიხვეჭონ. ამჯერად, KFC გახდა პოპულარული სერიალის სამყაროს ნაწილი ორიგინალური მარკეტინგული სვლით. სწრაფი კვების გიგანტმა კრეატიული კამპანია შექმნა, კრეატიული სააგენტო Mother-ის შემოქმედებით გუნდთან ერთად. რეკლამაში ვხედავთ KFC-ის თანამშრომლებს, რომლებიც სიცოცხლეს რისკის ქვეშ აყენებენ, რათა ჰოკინსის მოსახლეობას საჭმელი მიაწოდონ – მაშინაც კი, როდესაც ქალაქი ზებუნებრივი მოვლენების ეპიცენტრში ხვდება.
სერიალის ფინალურ სეზონში სამხედროები ჰოკინსს ბლოკადაში აქცევენ, რათა შეაჩერონ პარალელური სამყაროს ნაპრალები, რომლებიდანაც მომაკვდინებელი ურჩხულები იჭრებიან. მიუხედავად ამისა, KFC-ის მოტივირებული გუნდი ველოსიპედებით მაინც ახერხებს ქალაქში ნავიგაციას და შეკვეთების მიწოდებას, სანამ ბოლოს „უკუღმა სამყაროში“ (Upside Down) არ მოხვდებიან.
კამპანიის ფარგლებში, ბრიტანეთის KFC-ის რესტორნებში გამოჩნდა სპეციალური, შეზღუდული დროით ხელმისაწვდომი “Stranger Things”-ის თემატური მენიუ. მომხმარებლებს შეუძლიათ დააგემოვნონ წითელ ფუნთუშაზე დამზადებული ცხარე ქათმის ბურგერი და განსაკუთრებული სოუსით შეზავებული „უცნაური ფრთები“ (Stranger Wings). ეს პროექტი ორგანულად აგრძელებს KFC-ის მიმდინარე “Believe” პლატფორმას, რომელიც ბრენდს წარმოაჩენს როგორც კომფორტის სანდო წყაროს ქაოტურ სამყაროში.
KFC-ის წარმომადგენლების აზრით, KFC-ისა და “Stranger Things”-ის გულშემატკივრებს ესმით, რომ ნამდვილი გატაცების დროს ადამიანები მზად არიან ყველაფერი გაუძლონ. სწორედ ეს ერთგულება ხდის ამ ორ ბრენდს იდეალურ პარტნიორებად და საშუალებას აძლევს KFC-ს, ბუნებრივად მოერგოს სერიალის სამყაროს.
KFC-ის გარდა, სერიალის დასკვნით სეზონთან დაკავშირებით Doritos-მა და Target-მაც წამოიწყეს საკუთარი ინტეგრირებული კამპანიები. მარკეტერები ცდილობენ ბოლომდე გამოიყენონ ის ძლიერი ნოსტალგიური ფანბაზა, რომელიც სერიალის გარშემო ჩამოყალიბდა, სანამ მისი ფინალური სეზონი ეთერში გავა.
ეს მარკეტინგული სვლა კიდევ ერთხელ აჩვენებს, თუ როგორ შეუძლიათ ბრენდებს პოპულარული კულტურის ფენომენებთან თანამშრომლობით გააძლიერონ საკუთარი პოზიცია და შექმნან მომხმარებლისთვის სიახლე, რომელიც ჩაბეჭდილია მისთვის უკვე ნაცნობ და საყვარელ სამყაროში.
წყარო: Adweek
