ერთი შეხედვით არანაირი კავშირი აქვს სწრაფ კვებასა და სწრაფ მანქანებს, თუმცა, როგორც ჩანს, ასე არც KFC ფიქრობს და არც Xbox. ეს იდეა მომხმარებლებისთვისაც რომ დაემტკიცებინათ, ესპანეთში Drive-Thru-სთვის განკუთვნილი ხაზები მაღალსიჩქარიან ვირტუალურ ტრასებად აქციეს და პოპულარული სარბოლო თამაში Forza Horizon 5-ის ფარგლებში სახალისო კამპანია წამოიწყეს.
პროექტის ფარგლებში ესპანეთის დიდ ქალაქებში არსებული KFC-ის რესტორნები დაასკანერეს, შემდეგ კი თანამგზავრული და ტოპოგრაფიული მონაცემების საფუძველზე 15 რთული მოსახვევისა და განლაგების ტრასა შემოგვთავაზეს. თუმცა, ეს უბრალოდ კოპირება არ ყოფილა, ისინი Forza Horizon 5-ის ტრასებს მოარგეს, რათა მოთამაშეებისთვის drive-thru-თი შთაგონებული გამოცდილება შეეთავაზებინათ.
PS21-ის მონაცემებით, თამაშის ონლაინ პლატფორმაზე ატვირთვის შემდეგ, ვირტუალურმა კურსმა უდიდესი პოპულარობა მოიპოვა — 15 000-ზე მეტმა მოთამაშემ მიიღო მონაწილეობა და 72 მილიონზე მეტი ჩვენება დააგროვა, რითაც მომხმარებლების მიერ ყველაზე ხშირად ნათამაშებ კონტენტად იქცა.
და თუ კამპანიის წარმატებაზე ვსაუბრობთ, რეალური გამარჯვებული უნდა ვახსენოთ — არსებული ინფორმაციით, KFC Spain-მა Drive-Thru-ს შეკვეთების 700%-იანი ზრდა ნახა! კამპანიის მიზანიც სწორედ ეს იყო, გაეზარდათ მოთხოვნა Drive-Thru-ზე, რომელიც ყოველწლიურად იკლებდა…
მეტიც, ასე გვაჩვენეს, როგორ შეიძლება იქცეს გეიმინგი და რეალური დროის მონაცემები ბრენდის მიმზიდველ გამოცდილებად.
