ენდი უორჰოლის შემოქმედებას და იდეოლოგიას თუ გავიხსენებთ, ერთი ნათელი სურვილი გამოიკვეთება: ხელოვნება მეტად დაეახლოებინა ადამიანებთან… სურდა, განყენებულობისა და აღმატებულების მომენტი სრულად გაექრო და ის ჩვენი ყოველდღიურობის ნაწილად ექცია. პოპ-არტი სწორედ ამას ემსახურებოდა, თანაც საკმაო წარმატებით.
ამავე ინიციატივას უკავშირდება ახალი პროექტიც, რომელიც Midjourney-ის მეშვეობით შეიქმნა. DesignTAXI-ის წარმომადგენლებმა ეს AI პროგრამა გამოიყენეს, რათა ხელოვნების ცნობილი ნიმუშები ყოველდღიური მოხმარების ნივთებზე დაეტანათ — მათ შორისაა საკვებისა და საყოფაცხოვრებო პროდუქტების სილუეტები.
